12‏/09‏/2009

عيد ميلادى

فى البدايه طبعا انا عايزة اعتذر عن انقطاعى عن التدوين لفترة طويله منهم لله بقى الناس بتوع المترو اهئ اهئ قطعوا علينا المياه والتليفون وبقت حالتنا وحشه خالص *طبعا بعد فترة طويله من الشغل البناتى على بابى ...اخيرا ادانى الوصله لمده 5 دقائق علشان اكتب لكم على عيد ميلادى *اول مره ييجى عيد ميلادى فى الشهر الكريم *طبعا التدوين جه متاخر *انا عيد ميلادى يوم 9/9 *واتولدت فى سنه1991 *ولما كان عندى 9سنين *كان عيد ميلادى يوم 9/9/1999 *والسنه دى انا عيد ميلادى جه فى يوم 19 رمضان *وبالميلادى 9/9/2009 *علشان كده انا بحب رقم 9 *وفى وسط التوضيب اصريت انى اعمل عيد ميلادى *طبعا بعد معاناه نزلت علشان اجيب التورتايه :) *مش عارفه اوصف لكم انا احتفلت بيه ازاى فضلنا واقفين انا وبابا وماما واخواتى لحد ما طفينا الشمع *18 شمعه *نسيت كل حاجه حواليا ووقفت استمتع باجمل لحظات حياتى اللى بتيجى مرة واحده كل سنه وازاى وقفوا يغنولى ويضحكوا معايا فعلا وبرغم الظروف **ده كان احلى عيد ميلاد فى حياتى**

هناك 15 تعليقًا:

غير معرف يقول...

هابي بيرث داي تو يو..
هابي بيرث داي تو يو..
هوووووووووووف..هيييييييييه (بطفي ولو شمعة واحدة من الـ 18 يا هبة :) )
عقبال 98 سنة يا رب من الصحة والسعادة(كل الناس بتقول 100.. قلت أغير بقى شوية:):)..

طيب تصدقي يا هبة.. والله العظيم يوم
9/9 ده بقول يا سلام اللي عيد ميلاده النهاردة يبقى مزيكا.. 9/9/2009 .. القلوب عند بعضها..
على فكرة أنا عيد ميلادي 8/8..وانتي 9/9 ..بصرة يا هبة.. :)
يالا يا جميل أحسن رغيت كتير بقى,,

الهدية بقى هتوصلك ع الميل (wink)
إن شاء الله تعجبك يا قمر..

جود باي :)

علياء

ponpona يقول...

ياهووووو

وعندك كمان واحد عيد ميلاد وصلحووو

ياللا حالا بالا بالا حيو أبو الفاصاد
ترا را را رن

مبروك عليكي يابسبوسه وكل سنه وانتي طيبه

انجي وجارة القمر بردو عيد ميلادهم اليومين دول


عيد ميلاد سعيد عليكي ياهبه ويارب كده
تبقي كويسه علطوووووول

:)
:)

عمرو يقول...

كل سنة وانتي طيبة يا هبة
لولا النت ده كنا احتفلنا بعيد ميلادك احتفال إليكتروني أسطوري
:)

noon kiko يقول...

اولا كل سنه وانتى طيبه ياسكر
وعقبال ميت سنه
ثانيا اعذرينى والله العظيم الجهاز عندى بيقطع ميه ونور
وبيوصل النت بشكل بطىء
يعنى بعلق بالعافيه
متزعليش ياقمر لاننا اتخرنا نقولك كل سنه وانتى طيبه
:)

Heba Gamal Emara يقول...

ميرسى اوى يا علياء
كتر خيرك
ممنونتك

Heba Gamal Emara يقول...

اه نسيت اقوللك يا علياء
شكرا اوى اوى على اللينكات الجميله دى

Heba Gamal Emara يقول...

ميرسى اوى يا بنبونة
على سؤالك ومتابعتك
اما بالنسبة لانجى وجارة القمر فكل سنة وهما طيبين مع انهم مش سالوا على مدونتى ومش دخلوها ومش حتى باركولى عليها
اما انتى يا بنبونة
ميرسى اوى اوى

Heba Gamal Emara يقول...

مستر عمرو
شكرا ليك اوى
وعقبالك
ممنونتك

Heba Gamal Emara يقول...

يا حبيبتى يا نور
كتر الله خيرك
فعلا انا عذراكى لانى جربت موضوع ان مفيش نت
@!#$
دى مشكله كبيرة اوى
بس انا خلاص عذراكى
ممنونتك

Heba Taher يقول...

يالالا حالا بالا بالا حيو أبو الفصاد
هيكون عيد ميلاده اللية أجمل الأعياد
فليحيا ابو الفصاد
كل سنة وانتي طيبة يا ببوسة يا قمورة
وعقبال ما تحتفلي بيه في بيت العدل
مع واحد ابن حلال يجيبلك تورتاية حلوة
بس طبعا مش هتبقى احلى منك ياقمر
كلامك حلو ويدخل القلب
إلى الأماااااااااام دومااااااااااا

Heba Gamal Emara يقول...

شكرا ليكى يا مدام هبه
كتر الله خيرك على الدعوات الجميلة

ضياء فارس يقول...

كل عام وانتِ بخير اخت هبه وعقبال 100 سنه يارب تعيشيهم بسعاده وهناء
,,, و سامحيني اجت المباركة متأخره و لكن ظروف الكهرباء عندنا ما سمحت اني اتابع مدونتك الايام اللي فاتت,,,
والحمد لله انك استمتعتي بيوم ميلادك رغم الظروف اللي انتم فيها و ان شاء الله تكمل سعادتك برجوع النت و برجعوك لمدونتك قريب باذن الله ,,,
والله يوفقك اختي
دمتِ بخير

Heba Gamal Emara يقول...

والله مفيش مشكله يا اخ ضياء كتر الله خيرك
بس صدقنى انا كمان عندى مشكله رهيبه فى انقطاع التليفون مش الكهرباء

وربنا يخليك على الدعوات الجميلة

غير معرف يقول...

يعنى عيد ميلادك هو نفس عيد ميلاد اختى مريم وانا لو كنت اعرف لكنت عملتليك احتفالية كبيرة عموما تتعوض فى الجامعة happy birth day to you hopa

Heba Gamal Emara يقول...

يعنى من غير كلمة اختى مريم مكنتش عرفت انك مها صحبتى
ازيك يا مها؟؟ عامله ايه؟؟
ربنا يخليكى يا مها ميرسى
بس بعد كده يا ريت تكتبى اسمك تحت التعليق او تعملى حساب فى جوجل
ممنونتك