خواطر مستقبلية .. لك أنت .. وانت وحدك :)

أول هدية .. اكيد طبعاً فاكرها ، ما انت عمرك ما بتنسى أى حاجه متعلقة بيا .. دايماً بتفضلني على أى حاجه عندك ، حتى لو كانت الحاجة دى هى انت :( وعلى فكرة .. الموضوع ده بيضايقنى :( المهم بقى .. نرجع لموضوع الهدية .. كانت " ميدالية كريستال " مكتوب عليها اسمى واسمك .. وبينهم قلوب كتيرة صغننة ومن ورا .. لقيت مكتوب عليها " إلى ملك روحى ... وتوأمها ، ربنا يخليكى ليا " ساعتها من كتر ما أنا فعلاً مبسوطة بيها ، خدتها ف حضنى اوى ... وقعدنا نبص لبعض كده .. وانت مستغرب لإنبساطى .. و أنا مستغربة لحبك ليا :) ساعتها أنا مكنتش مبسوطة بس .. لا ، ده أنا كنت كمان منشكحة :) وانت عارف انه مش أى حاجه تخلينى ف الموود ده .. علشان كده .. أنا بشكرك .. لإنك انت .. انت :) وكنت مستغربة اوى .. لإنى لسه من يومين قلت لك إنى عاوزة اجيب ميداليه شكلها حلو ... ومحتارة !! مش بس كده .. انت كمان صممت تكمل لى يومى وتبسطنى اكتر واكتر .. وقلت لى : هاخدك لمكان حلو انتى بتحبيه .. بس مش هقول لك دلوقتى :) قعدنا نلف بالعربية شويه .. وبعدين قبل ما نوصل قلت لى : غمضى عينك :) ، ومتفتحيهاش غير لما اقول لك :) وفعلاً غمضتها ... وبعدها بحبه صغيرين .. لقيتك وقفت ونزلت من العربية وفتحت لى الباب زى الهوانم بالظبط .. وانت بتقول لى : اتفضلى يا هانم :) وبعدين ببص على المكان ، لقيته المطعم اللى أنا بحبه .. الصينى !! من كتر انبساطي وانشكاحى ساعتها .. مكنتش عارفه اقول لك ايه .. بس كنت بضحك وابص لك ، واضحك وابص لك وهكذا :) دخلنا المطعم سوا .. اليوم ده قعدنا نرغى فيه كتير اوى .. اتكلمنا ف كل حاجه تقريباً ، بس على الرغم من كده .. عمرى ما زهقت من الكلام معاك :) بعد ما خلصنا اكل ، لقيتك عامل لى مفاجأة تانيه .. ( مش قلت لك انك مصمم تبسطنى ) تورتايه .. مرسوم عليها صورتى أنا وانت يوم خطوبتنا .. وتحت مكتوب عليها : " كل سنة وانتى طيبه .. كل سنة وانتى حبيبتى .. كل سنة وانتى معايا .. ربنا ما يحرمنى منك " ايه ده !!! ... تصدق النهارده فات سنة على خطوبتى ليك .. صدقتنى لما قلت لك انه معاك انت مبحسش بالأيام :) تصدق انه النهارده كمان عيد ميلادى :) تصدق انه فات من عمرى سنه معاك ، ومش ندمانه عليها :) ياه .. دلوقتى افتكرت .. افتكرت انت ليه كنت عاوز صورة لينا يوم الخطوبة .. افتكرت انت ليه صممت انه يكون خطوبتنا هو هو يكون نفس يوم عيد ميلادى .. :) ولقيت اخيراً اجابه على سؤالى .. اللى سألته ليك قبل كده وانت مكنتش عاوز تجاوب .. " انت ليه صممت انه يوم خطوبتنا هو يكون يوم عيد ميلادى ؟ " والإجابه كانت انك كنت بتفكر ازاى تبسطنى وتسعدنى .. من قبل حتى ما تخطبنى .. ياااااااااااه .. يا بختى بيك :) وبيقولوا لى إنى مثالية ف حبى ليك .. لا .. مش مثالية ... لإنك تستاهل اكتر من اللى أنا بعمله بكتير .. لإنك ملاكي اللى نزل لى من السما .. لإنك كنزى اللى كنت بدور عليه .. :) والملاك اللى نزل من السما علشان يبسط اللى حواليه .. لازم يكون له معامله خاصة ، وحياة خاصة .. وحب خاص :)

خواطرى الصغنونة :)

(6) لا مش تفاهة ... ولا قلة عقل ... ولا تصرفات اطفال ملهاش أى مبرر ،

تقدر تقول براءة .... أو طفولتى اللى محستش بيها .... واللى قررت اعيشها دلوقتى ،

بس مش معنى انى بعيش طفولتى ، انى معنديش عقل احكمه ، واعتمد عليه ف قراراتى ...

مش معنى انى قررت اعيش طفولتى ، انى لغيت من قلبى الاحساس بكل حاجه حواليا ،

بيقولوا لى انتى كبرتى ، والمفروض بقى تشيلى الكلام ده من دماغك ...

اقول لهم انى عاجبانى نفسى كده ، وبحبها كده ،

اقول لهم حتى لو كل الناس عليا ، ف ربنا معايا ... واقف جنبى ، ويقينى بوجوده بيسندنى

ويقوينى :) يـــــــــــــــــــــــــــــــــــــــ

ــا رب

لمزيد من الخواطر

...

http://www.facebook.com/media/set/?set=a.1961124241869.110223.1655703394

الراجل اللى بجد ....

مكنتش ناوية أكتب أى بوست لحد ما الامتحانات تخلص ... بس بصراحة الموضوع ده استفزنى .... مش استفزنى بمعنى إنى اتغظت ، لا استفرزنى يعنى حرّك حاجه جوايا خليتنى اتكلم عنه ... عاوزة رأيكم .... ،

لو سألت أي بنت ايه مواصفات فتي أحلامك ؟؟

..

..

..

..

......قبل ما تقولك طيب وحنين ووسيم وكل الصفات دي

هتقولك " عايزاه راجل بجد " ....

قعدت أفكر كتييييييير يعني ايه واحد "راجل بجد "؟؟!!!

ووصلت لشوية اجابات ..

• الراجل اللي بجد ... عمره ما يضحك علي بنت أو يستغلها ويوهمها انه بيحبها لمجرد أنه بييسلي وقته ..

• الراجل اللي بجد .. تقدري تعتمدي عليه وتغمضي عنيكي وتمشي وراه ومتبقيش خايفه لأنك عارفه وواثقه انه عمره ما هيتخلي عنك

• الراجل اللي بجد .. عمره ما يطلع سر بينه وبين واحد صاحبه

• الراجل اللي بجد .. عمره ما يتخلي عن مسؤليه أو يتهرب منها

• الراجل اللي بجد .. عمره ما يصاحب بنت ويروح يتكلم عليها مع أصحابه

• الراجل اللي بجد .. هو اللي أول ما الدنيا تقفل في وشك تلاقيه جنبك ضهرك وسندك

• الراجل اللي بجد .. مبيبقاش فرحان بيكي وهو ماشي جنبك وأمة لا اله الا الله بتتفرج عليكي

• الراجل اللي بجد .. هو اللي عمره ما يمد ايده علي واحده لأنه مش محتاج يعمل كده عشان يثبت رجولته

• الراجل اللي بجد ...هو اللي يقول الحق ولو علي رقبته

• الراجل اللي بجد .. عمره ما يبقي ماشي فرحان بعضلاته ويتمنظر بيها قدام البنات (لأن الرجوله جواه شئ أكبر من مجرد جيم وعضلات )

• الراجل اللي بجد .. عمره ما يفرض نفسه علي واحده رافضاه

• الراجل اللي بجد .. هو اللي هتحسي معاه انك انثي .. عمرك ما هتقدري تعلي صوتك قدامه .. في شئ جواه هيجبرك انك تلتزمي الصمت

• الراجل اللي بجد .. هو اللي يقدر يستوعبك وقت ضعفك ..

• الراجل اللي بجد .. عمره ما يستغل حب واحده ليه عشان يضغط عليها

• الراجل اللي بجد ...ممكن ميجيبلكيش كل حاجه بس وجوده جنبك هيخليكي حاسه انك ملكتي كل حاااااااااااااااجه

• الراجل اللي بجد ... عمره ما يكون محبط ولا يائس ولا شايف الدنيا سوده

• الراجل اللي بجد مش شنب ولا عضلات ولا طول وعرض !!!!

• الراجل اللي بجد مواقف وأفعال ... حاجات كده أكبر من أنها تتوصف بكلااااااااام

مما قرأت واعجبنى ، ماذا تحب المرأة فى الرجل ؟؟

1- التدين: ان النساء يفضلن الرجل المتدين بلا غلو وحسب بيئتهن ، والرجل الذي فيه دين سوف يكون بإذن

الله اميناً عام على اولادها وهو إن احبها اكرمها ، وإن لم يحبها لم يظلمها ، فالدين يحجز عن الظلم ، كما انه يحمي من الوقوع في الموبقات ، التى تكرهها المرأة في زوجها ويكرههها كل عاقل، والتى تؤدي الى ذهاب الرجولة وهلاك الاسرة كإدمان المخدرات وشرب الخمر والفجور والفساد ، فإن الدين يعصم من ذلك كله بإذن الله ،وفوق هذا يمنح القوة والامانة .

2- الشخصية القويه : المرأة تحب الشخصية القوية في زوجها ، لأنها بذلك تعرف انها تستطيع الاعتماد عليه بعد الله ، وأنه اهل للمسئولية ، فالزواج حياة كاملة بحلوها ومرها ولياليها البيض والسود ، وبمفاجأتها ومصائبها ومسئوليات الاولاد وكل هذا يحتاج الى الشخصية القوية المتزنة ، القادرة على تحمل المسئولية ، فوق هذا فان المرأة بطبيعتها الانثوية ،تحب ما يقابلها وهو الطبيعة الرجولية التي فيها قوة وبعض الخشونة ، وقوة الشخصية التى تحبها المرأة في الرجل ليست هي ( الجلافة ) ولا السيطره الدكتاتوريه ولكنها الشخصيه الرجوليه المتكامله القادرة على مواجهة التحديات ، وشق طريق المستقبل وفرض الحق ، في نفس الوقت الشخصية القادرة على الحب والرقه والحنان والعطف في مواضعها .

3- الخبرة بطبيعة المرأة :

العمود الذي يقوم عليه الزواج السعيد ، وهى الخبرة العميقة بطبيعة المرأة ،والتي تجعل زوجها في أفعالة وردود أفعالة ينطلق دائماً وبشكل تلقائي الى ما يسعدها ويشعرها بأنها محبوبته ، من كلمات الحب الصادقة الصادرة من القلب ....كذلك المرأة تحب الرجل الخبير بطبيعتها لأنه يفهمها ولا يجبرها على كسر طبيعتها ، فهو يعلم ان المرأة عاطفية فلا يكسر عاطفتها بالمنطق ويرغمها بالخضوع للمنطق ، بل يأتيها من جانب عاطفتها ويقبل في كثير من الاحيان تناقضها .

4- الكـرم : المرأة تحب الرجل الكريم وتمقت الرجل البخيل ، فالكريم بكرمة معها يدل على حبه لها وهذا صحيح وهام ، كذلك فهو بكرمه يمكنها من التمتع بنعم الحياة من مجوهرات وازياء ومستوي اجتماعي راقي، اما البخيل فهو يبخل على اهله وزوجتة وابنائه.

5- الشجـاعة : المرأة تحب الرجل الشجاع وتكره الرجل الجبان ، لان في الشجاعة معني القوة والحماية والاعتماد .

6- النظافة والأناقة:

أناقة الرجل تسحر المرأة وتجعلها تحترمة وتحس انه ذوق وراق ، وبعكس ذلك البهدلة وقلة النظافة ،فالنظافة من الايمان والله جميل يحب الجمال .

7-الرزين الثقيل: المرأة تحب الرجل الرزين الثقة الكتوم (إلا عنها ) الثقيل ( إلا معها )

8-الشبـاب : ومن ذا لايحب الشباب؟ وكما ان الرجل يكره المرأة العجوز فإنها لا ترحب بالشايب.مع أننا نجد بعض الشابات يحببن الكهول إما لان الفتاة تجد فيه اباها او لجاهه او لماله .

9-المرح والبشاشة : لا أحد يطيق العبوس والتكشير وتقطيب الوجه بشكل دائم ، والكل يعشق الابتسام والمرح وبشاشة الوجه والاقبال على الحياة ، والمرأة تحب الرجل المبتسم في وجهها بشكل خاص ، لأنه بهذا الابتسام يشعرها بالقبول والرضا والسرور بمحضرها ، وهذا يرضيها ويسرها ويشعرها أنها محبوبة

10-غيرتـه عليهـا : المرأة تكره الرجل الشكاك ، ويطعنها في قلبها من يشك في شرفها وهي بريئة ، ولكنها تحب الرجل الذي يغار عليها لأنها تدرك بفطرتها أن الغيرة دليل الحب والإعزاز والاهتمام ، ولكن على ان لاتزيد الغيرة عن الحدود وألا تتحول الى رعب وقيد يقيدها .

11-أن يحبهـا لذاتــها : إن المرأة مهما كانت غبية أو قليلة التعليم والثقافة لها في الحب حاسة سادسة تميز بها بشكل صحيح بالغالب بين من يحبها لمالها او راتبها او جاه اهلها أو نحو ذلك وكل إمرأة امنيتها في الحياة ان يحبها الرجل لذاتها ، وهذا شيء جوهري عندها جداً فالرجل إذا احب المرأة تمنى أنها تحبة ولكنه يسعد بها لأنه يحبها حتى لو لم تحبه ، أما المرأة ، فإنها تتعذب مع الرجل الذي تحبه ولا يحبها ولكنها تسعد مع الرجل الذي يحبها لذاتها ولو كانت لا تحبه بشرط ....ألا تكرهه.....وفي الغالب ان حبه الصادق لها يشفع له عندها فتحبه ..

12-الـوفـاء :

إنه من أهم وأشرف الخصال التي تحبها المرأة في الرجل لتحس ، أنها تحيا حياة انسانية بكل معنى الكلمة.

ممـا قرأت و اعجبنى ..،