18‏/09‏/2009

طاجن المرار الطافح

النهارده هكتب لكم عن وصفة اكل جديدة
هى الاكله المفضلة للمصريين " طاجن المرار الطافح "
المكونات :
طماطم معطبة ويستحسن تكون مرشوشة بأى مبيد حشرى
باذنجان ابيض مسرطن -نعرف انه مسرطن لما تلاقى فيه نقط سوداء كتير -
2كيلو لحمة يكون فيها فيرس انفلونزا الخنازير
2كيلو بانيه يكون من فرخه مصابة بانفلونزا الطيور
1معلقه عسل اسود
طبعا نحاول يكون الموضوع مقرف على قد ما نقدر
هنخلطهم كلهم على بعض و نحطهم فى حلة ونسلقهم وناكلهم
وبالهنا والمرار
**نصف الوصفة مقتبس من الشيف الكبير سيد ابو حفيظة **

هناك 8 تعليقات:

عمرو يقول...

حلوة يا هبة
أنا ضحكت بصراحة
:)

Heba Taher يقول...

وصفة كل المصرييين طافحينها
قصدي واكلينها
قلبتي علينا المواجع يا ببس
لكن هنقول ايه
ادي احنا مفوضين امرنا لله
عيد سعيد عليكي
ووالله انا بسأل انتي اللي نادرا ما تبقي
على النت
يارب النت يتصلح بقى وترع المية لمجاريها

ضياء فارس يقول...

هههه شو هالوصفه هاي
هادا لو الواحد ذاق شويه صغيره منها رح يفارق الحياة بلحظتها ههه
شكرا اخت هبه على التدوينه المضحكه :)

Heba Gamal Emara يقول...

اهلا استاذ عمرو
كويس اننا عرفنا نضحكك
:)

Heba Gamal Emara يقول...

مدام هبه
:)

Heba Gamal Emara يقول...

اهلا اخ ضياء
الوصفه دى محدش اساسا هيقدر يشم ريحتها فما بالك بانه ياكلها
بس هو ده الحال فى مصر اذا مكناش نتولى الحذر كويس
:)
بس كويس انك مش فى مصر :)
ممنونتك

علياء موسى يقول...

ههههههههههه
أيوه كده يا هبة :) ضحكتينا والله
فعلاً يا هبة ده الحال في المصر.. بس سيبك انتي.. المصريين ياكلوا الزلط ولا يهمهم.. وياكلوا طاجن المرار الطافح ده ولا يهمهم.. ههههههه.. كمان ممكن يعتبروه "أباتيزر يا عمو" :):):)
كل سنة وحياتك أحلى وأجمل ؛)

Heba Gamal Emara يقول...

والله عندك حق يا علياء المصريين يقدروا ياكلوا اى حاجه
علشان كده انا اتفقت انا والشيف سيد ابو حفيظة على اننا نقدم لكم الوصفه الجميلة دى