12‏/10‏/2009

My Mood

إنشد يا قلبي غنوتك للجمــــــــــــــــــال و ارقص في صدري من اليمين للشمال ما هوش بعيد تفضل لبكره سعيــــــــــد ده كل يوم فيه الف الف احتمـــــــــــــال عجبي !!
انا النهارده المود بتاعى حلو جدا جدا لاننى حصلت على تشجيع جميل جدا من دكتور ماده التسويق التى اعشقها وعرف اسمى وقال لى :go ahead انا معاكى خطوة بخطوة
لحد ما تجيبى جيد جدا وتتعينى معيدة وهتبقى اول معيدة تتعين فى قسم العربى بعد ما قعدنا 8 سنين مش لاقيين حد
ادعولى يا جماعة وقولوا يا رب

هناك 14 تعليقًا:

جمال عمارة يقول...

ببس..

إن شاء الله تبقي أحسن إنسانة في الدنيا, في الجامعة، وفي حياتك، مع أولادك وبناتك، ومع أبوكي الغلبان :)

Heba Gamal Emara يقول...

ازيك يا بابى
منورنى والله
ايوة كده ادخل مدونتى وحبنى واكتبلى تعليقات :)
ربنا يخليك يا حبيبى وان شالله تتحقق كل دعواتك :)
بس ايه مع ابوكى الغلبان دى ها
ده حضرتك احلى واحسن اب فى الدنيا كلها :)
ربنا يخليك ليا :)

ponpona يقول...

يارب يارب يارب ...
أقول تاني .. طيب يارب يارب يارب يارب
وافرح بيكي كده علطول وآجي أحضرلك محاضره
ماعرفش ايه اللي هيخليني احضر محاضرة تسويق بس ياللا ... لو انتي الدكتوره فانا أكيد هاجي

:)

Heba Gamal Emara يقول...

اهلا بيكى يا بنبونة
ربنا يخليكى يا منى ميرسى اوى اوى
ويارب تتحقق الامنيه دى زى ما انتى بتقوللى
وان شاء الله تحضرى لى مليون محاضره مش محاضره واحده يا رب :):):)
هو انتى بتدرسى ايه وفى سنه كام ؟؟؟

علياء يقول...

هبة..
يارب يفضل الموود حلو كده علطول :)
وربنا يوفقك يا رب وتحققي كل اللي نفسك فيه..
وربنا يوفقك للي فيه الخير ليكي دايماً.. وأبقى أحضر محاضراتك زي بنبونة ما قالت.. بس اوعي تبقي تسأليني على الكارنية وتخرجيني من المحاضرة :) :)

Heba Gamal Emara يقول...

علياء ازيك
عامله ايه
ايه اخبارك
كله تمام
ربنا يخليكى يا رب يا علياء ويحقق لى دعواتك يا رب
لا لا مش هسالك على الكارنيه بس لو عملتى دوشه هاخد اسمك وهبهدلك فى التصحيح ولو عملتى بقى مشاكل كتيرة اوى هضطر اخرجك من المحاضره
بس انتى كده شكلك هتبقى تلميذه طيبه وبنت حلال :):):)

واحده من الناس يقول...

حبيبة قلبى
يارب كده دايما
تبقى مبسوطه وسعيده وتكون ايامك احلا واجمل
وعشان التشجيع ده يبقا انتى لازملك دفعه كبيره لقدام
يالا اديها مذاكره
:)

Heba Gamal Emara يقول...

ربنا يخليكى يا زهورتى
ازيك واحشانى والله
وربنا يسهل بس استلم الكتب وبعد كده ربنا يقوينى عللى انا فيه :)
ممنونتك انا :)

عمرو يقول...

ربنا معاكي يا هبة
وإن شاء الله على طول تبقي سعيدة

Heba Gamal Emara يقول...

اهلا مستر عمرو
اخبار حضرتك ايه
بقاللك كتير مش بتيجى كتير
بس ربنا يخليك
شكرا ليك اوى
وعقبال ما نسمع خبر حلو عن الماجستير :):):):)

أحمد الشمسي يقول...

ربنا معاكي يا هبة ان شاء الله
ويكرمك بالسعادة دايما

Heba Gamal Emara يقول...

اهلا اهلا :)
شرفت المدونة فى اولى تعليقاتك
واتمنى منه ان يستجيب لدعواتك ودعوات الزائرين :)
ومش هنساكوا برضه لما ابقى دكتورة ان شاء الله
:):):):)

Heba Taher يقول...

إزيك يا هبهوب يا عسل
عاملة أيه
والله وحشاني كتيييييييييير كتيييييييير
معلش أنا أصلي كنت في فترة مرض وماكنتش
بقرب من اللاب توب أصلا ودايما في السرير
بس اديني رجعت أهه
إنتي بنت عندك عزيمة وإصرار
بإذن الله تنولي اللي في بالك وتحققي كل
اللي بتحلمي بيه

Heba Gamal Emara يقول...

اهلا اهلا اهلا
مدام هبه
ازيك
عامله ايه
الف سلامه عليكى
نورتى المدونة برجوعك
فاتك بوستات كتير
بس يلا تتعوض ان شاء الله
ربنا يكرمك بكلامك الجميل ده
ويا رب انول اللى فى بالى واحقق اللى بحلم بيه
:)