03‏/12‏/2009

رجعت من السفر .

فى ساعة من ساعات الليل ..وجدتنى ذاهبه الى الشرفه لكى استنشق بعض الهواء النقى مع نسمات البرودة اللذيذه ..فإذا بها تأتى على بالى فجأة ،،
وفجأ أجدنى أفكر بها وأسال نفسى عنها :ترى كيف هى احوالها الان ؟؟؟
هل هى مستقرة نفسيا وعاطفيا ؟؟هل نستنى ام مازلت فى بالها ؟؟هل سترجع الى مرة اخرى.. هل سنكون هبه وـــــــــــــ كما كنا ؟؟؟
اسئله كثيرة تتهافت على رأسى ولا ادرى لها جوابا ...الى ان جاءنى شئ كهاجس يقول لى :اذهبى وحدثى والدتها فى التليفون واطمئنى عليها واساليها عن ابنتها (صديقتى) وعندما حدثتها وجدتها تقول لى بعد ترحيب : طيب ما تكلميها انتى يا حبيبتى.. نزلت على الصاعقه وانا اكلمها :هى موجودة يا طنط والله !!!!
أنا: الوو
ــــــــــ: ايوه ازيك يا هبه
انا: (مذهوله من سماع صوتها مرة اخرى) :اهلا يا ــــــــــ ازيك يا حبيبتى عامله ايه انا مش مصدقه انى بكلمك كده برضه اللى انتى عملتيه !!
ـــــــــ: معلش والله يا هبه ظروف كده حصلت ومعرفش حصلت ازاى ؟انا محتاجه اكلمك اوى اوى يا هبه !
انا:(بلهفه) :طبعا يا حبيبتى قررى اى وقت انتى عايزانى اكلمك فيه وانا اجيلك او نتقابل انا اصلى معرفش البيت تيجى نتقابل عند الجامعه واخدك ونروح فى اى حته انتى عايزاها انا عايزة اقعد معاكى كتير اوى
ــــــــ: (وكانها فرحانه لاننى لم اعتب عليها على فعلتها وسامحتها وكما لم يحدث اى شئ ) انا متشكرة ليكى اوى يا هبه ربنا يكرمك يا حبيبتى يا رب يبقى خلاص هكلمك فى الجامعه ونتقابل هناك لوحدنا انتى مش مصدقه انتى واحشانى قد ايه وعايزة اكلمك كتيير.... كتير اوى !!
انا:طيب ما شى يا حبيبتى فى اى وقت انتى تحبيه هقابلك هناك .. مع السلامه
ـــــــــ: مع السلامه يا هبه
واغلقت السماعه .ولم اسمع صوتها من البارحه ..اكتب الان وانا اكاد اجن ومتشوقه جدا جدا لسماع اخبارها والتكلم معها ورؤيتها مرة اخرى
بمجرد سماع صوتها نسيت كل شئ ....نعم كل شئ وافتكرت كل حاجه جميله حصلت بينى وبينها وقلت يا ريت الايام ترجع تانى
يا ريــــــــــــــــــــــــــــــــــــــــــــــــــــــــــــــــــــــــــت .

هناك 20 تعليقًا:

noon kiko يقول...

يارب يا هوبه
انتى طيبه اوى وتستاهلى كل خير
بس لو محصلش فارجوكى بلاش تتضايقى
اوك

Heba Gamal Emara يقول...

نورة
صدقينى على قد ما انا متضايقه من اللى حصل منها

على قد ما فرحت اوى اوى اوى لما رجعت مصر
بس اللى انا مستغرباله هو توقيت الهاجس اللى جالى ده

اوك يا نورة
ان شاء الله يا حبيبتى مش هتضايق :)

Heba Taher يقول...

انت انسانة حنونة وقلبك طيب انك بتقدري تسامحي اي حد بسرعة كده
وان شاء الله ربنا مش هيضيمك في حد أو في حاجة عزيزة عليكي
ربنا يطمن قلبك
وآسفة على غيابي الطويل بس الحياة مشاغل
وانت عارفة بقى البيت والولاد

amirelhob يقول...

بوست حلو اوى يا هبه ويا رب ميحصلش مشاكل تانى بينكم وبجد انا بحب اوى اشوف ناس نقيه اوى فى صداقتها كدا بس انا شويه زعلت لانك خلطتى بين اللغه العميه واللغه العربيه بس خلط جميل جدا ومن قلبى بتمنى يا رب متبقاش اخر مره وبتمنلك كل خير وسعاده وصحه وتوفيق وفرح وابتسامه تدوم يا رب طول العمر

فراشة يقول...

لو كنتم فعلا بجد صحاب قوي قوووووي
هتتقابلوا وترجعوا وتتكلموا ومش هتقدروا تستغنوا عن بعض

واى ظروف مش المفروض تخلي الصحاب يبعدوا عن بعض غير لو الظروف اقوى منهم جامد

ويارب ترجعوا زي زمان واحلى كمان يارب

blue-wave يقول...

جميل ان يكون عندك هذا القدر من التسامح

Heba Gamal Emara يقول...

مدام هبه
اهلا بحضرتك واحشانى والله ووحشانى تعليقاتك الجميله المطمئنه

ربنا يخليكى يا رب
وعادى يا مدام هبه ربنا يخليكى لاولادك يا رب ودايما منورة بيتك والمدونة
:):):):)

Heba Gamal Emara يقول...

امير الحب :


ميرسى لذوقك
:)

Heba Gamal Emara يقول...

فراشه
يا ريت يا فراشه كل اتنين قبل ما يصاحبوا بعض يحطوا فى بالهم ان مفيش اى ظروف ممكن تفرق بينهم ابدا ابدا

بس تقولى ايه....

يا رب يا فراشه

ممنونه لمرورك :):)

Heba Gamal Emara يقول...

blue-wave

شكرا لذوقك :)

أسما يقول...

هبة انا جييييييت... ايه ده بقي، اول حاجة اقراهالك كدة تسامح علي طول؟ انا كدة هاخاف عليكي... يا بنتي يا حبيبتي، اللي بيحصل في الواقع بعد ما بتسامحي ان اللي بتسامحيه بيعتبره حق مكتسب و مش بيكرر غلطه في حقك، لا لا لا، ده بينقل عالغلط اللي بعده، ليفيل اعلي يعني، بصي، ربنا يخلف ظني اللي بقي سوء علي طول الخط... مين عارف يمكن التسامح يجيب نتيجة مع بعض خلق الله، بس عايزة اقولك ابقي خدي بالك و ما تستنيش كتير من الناس، عشان يا حبيبتي ما تحبطيش... يوووو، انا شكلي عكيت في اول تعليق ليا عندك...(وش مكسوووووف)

Heba Gamal Emara يقول...

ايزولد
لولولولولولولولولولولولولولى
يا نهار ابيض
انا مش مصدقه
دى اول مرة تيجى مدونتى هنا انا حقيقى مبسوطة جدا جدا
منورانى يا ايزو والله
لا يا حبيبتى ولا عكيتى ولا حاجه
بس للاسف دى طبيعتى
وهعمل ايه ؟؟؟؟؟؟؟؟

علياء يقول...

هبة..
يارب دايماً كده تبقي مبسوطة وكل الأمور تسير كما تفضلين :)

لكن أنا حابة أقولك ما تندفعيش قوي.. وما تقدميش أكتر من اللازم إلا إذا كان بيترد لك زيه..

جميل إن الإنسان يدي.. لكن بحساب.. ومش طول الوقت.. علشان ما يجيش الوقت اللي الإنسان - لا قدر الله - يتصدم فيه..
أرجو إنه ما يكونش كلامي سبب لك أي ضيق :)

تحياتي ومودتي ؛)

micheal يقول...

جميل أن الواحد يقدر يقلب من دماغه أي شيء بسرعة بس أحيانا فيه حاجت بيبقى صعب فيها
تحياتي

Heba Gamal Emara يقول...

علياء
اهلا بيكى يا علياء
منورانى فى مدونتى المتواضعه
للاسف يا علياء
دى مشكلتى ودى طبيعتى للاسف .....
طبعا اتعلمت كتير واتجرحت اكتر
بس ما باليد حيله :)

لا ابدا يا علياء كلامك كان كله مظبووووط
ومضايقنييش ....

منورانى :)

Heba Gamal Emara يقول...

اهلا ميشيل بمرورك الاول فى مدونتى المتواضعه
صح كلامك
بس صدقنى مش اى حاجه ممكن الواحد يشيلها من دماغه بسهوله كده

ودى من الحاجات النادرة جدا اللى اتجرحت فيها ونسيت الجرح

Cute Kitty **sookra يقول...

هبه جمال عماره

البنوته العسل
حلو اوى احساسك وكمان حلو اوى انك تسامحى وموش تعتبى
انا بحب اعتب على حبايبى اللى بحبهم اوى
لكن اول مااسمع صوتهم بنسى اى جرح
روحك حلوه اوى لكن انا ببقى لازم اعرف اسباب بعيدا عن العتاب لازم اعرف اسباب الجرح الذين تسببوا به
ربنا يهديلك نفسك يابنيتى
مساكى شيكولاته

Maha Emara يقول...

هبه بجد جدا
القصه حلوه مع انى معاكى فى بيت واحد
ولكنى لم الاحظ عليكى الالام
التى صعقتك ولكن ربنا يقوى فى علاقاتك
مع خالص تحياتى
مها
:)
:)

صديقة الشوق يقول...

من اجمل صفات البشر التغاضي عن عيوب وزلات بعضهم عن بعض
جميل ما انت فيه ..
ادام الله لك فرحك..
هبه.. قلبك ابيض ..
تحياتي

Heba Gamal Emara يقول...

فاطمه

ممكن اقوللك فطومة

ممكن ؟؟؟
\طيب ميرسى


ربنا يخليكى ليا يا رب يا فطومة

وميرسى جدا جدا لذوقك وادبك

وادام الله عليكى فرحك ايضا .... اوعى مش تزورينى عايزاكى تزورينى كتير كتير ..:):)