14‏/09‏/2009

الحلم

الاحلام
ايه هى الاحلام
يعنى ايه الواحد يحلم
هل الاحلام تتحقق فى بعض الاحيان
وماذا عن الطموح الذى يسمى بالحلم
وماذا عندما لا يحلم الانسان
و..و.....و....
بالطبع عندما وردت هذه الخاطره على بالى استشرت الاستاذ الكبير :جمال عمارة
وعندها قمنا بعمل جلسة مكثفة فى المضمون قصيرة فى الوقت
لم تاخذ الجلسه اكتر من 15 دقيقه
احببت ان اتكلم عنها معكم
بالطبع لن استطيع الان لظروف النت ان اذكر مضمون الجلسه الكامل
يقولون ان الارواح تسبح فى ملكوت الله عند النوم
والبعض الاخر يقول انها من العقل الباطن
ويقولون ويقولون ,,,,,,
ونستعجب نحن
ولا يسعنا الا ان نتذكر قول الرحمن فى كتابه الكريم
"(ويسألونك عن الروح قل الروح من امر ربى )"
سبحان الله
فى انتظار ما تجودون به من معلومات واراء

هناك 17 تعليقًا:

عمرو يقول...

أهلا هبة
هذه خدعة كبيرة التي فعلتيها.. المفترض أن تكتبي ونعلق, لا أن نكتب وتقرئي.. عموماً هذا الموضوع من الصعب كتابة الانطباعات فيه.. الحلم شيء لم يستطع الكثيرون تفسيره حتى الآن, لكنه لا يستغرق في العقل أكثر من أربع ثوان مهما أحسسنا بأنه امتد في النوم
لا أدري ربما يكون لدى الباقين معلومات أفضل
:)

Heba Taher يقول...

شوفي ياهبة
الحلم ده هو اللي بيدي للحياة طعم ومعنى
هو اللي بنسعى ورا تحقيقه أو حتى تحقيق جزء منه
وبنكون على استعداد إننا نتخطى عقبات كتيير بعون الله عشان نحققه
وفي حلم تاني
وهو سيد الأخلاق
إنتي فاهماني طبعا
بس في الآخر أقولك
لو بطلنا نحلم نموت

noon kiko يقول...

هبه
مدونتك طالعه عندى بخط صغيييييييييييييييير
مش عارفه اقرا ولا كلمه
اشمعنا مدونتك انتى بس طالعه كده
مش عارفه
اتصرفى وشوفى المشكله فين

علياء يقول...

الموضوع جميل يا هبة فعلاً..
فأنا ممن يشغلهم التفكير في الأحلام,, ليس بصفة دائمة بالطبع,, ولكن عندنا أحلم حلم.. ويحدث بالكامل أمامي في الواقع!! أي عندما أحلم بواقعة معينة تحدث مع أحد أقاربي,, وأحكيها لأمي في الصباح,, تجدها تتحقق مثلما حكيت لها.. فتنظر إليّ وتتعجب!!

الأحلام دي سر كبير.. ما فيش حد يقدر يفسر إللي بيحصل فيها,, أنا عن نفسي لي مواقف غريبة مع الأحلام!!
لا أستطيع أن أقول سوى "سبحان الله"..

موضوع رائع يا هبة..
وفقك الله :)

Heba Gamal Emara يقول...

شوف يا مستر عمرو
انا عملت المدونة دى علشان اكتب خواطر ومواضيع وتشاركونى ارائكم فيها ونتكلم ونعرف وجهة نظر كل منا
*وشكرا على معلومة ال4ثوانى
ممنونتك
شكرا لمرورك

Heba Gamal Emara يقول...

شكرا ليكى يا مدام هبه على اهتمامك بقراءه مدونتى
بس انا بتكلم عن الحلم فى المنام
وسبحان الله ازاى بنحلم !!!
شكرا ليكى يا مدام هبه وعلى فكرة انا بحب الاغنيه بتاعه محمد منير :)

Heba Gamal Emara يقول...

شكرا ليكى يا مدام هبه على اهتمامك بقراءه مدونتى
بس انا بتكلم عن الحلم فى المنام
وسبحان الله ازاى بنحلم !!!
شكرا ليكى يا مدام هبه وعلى فكرة انا بحب الاغنيه بتاعه محمد منير :)

Heba Gamal Emara يقول...

اكيد يا نور الموضوع غلط من عندك لان مفيش حد اشتكى غيرك اتصرفى انتى وحلى المشكله من عندك :):):)
يعنى مش لما تكتبى تعليق تقولى رايك فى الموضوع
:):):):)

Heba Gamal Emara يقول...

ممكن فعلا يا علياء يكون فى ناس عندهم مثل الشفافيه اللى عندك دى
وممكن دى تكون من اعماق العقل الباطن
وسبحان الله
ميرسى لمرورك
ممنونتك

Heba Taher يقول...

إذا كان على الأحلام اللي بتيجي في المنام
فهي ليها علاقة برده باللي بنحلم نحققه في حياتنا
وعلى العموم، لو عايزة الكلام على الأحلام في المنام وبس
فأنا ساعات اشوف الحلم وآجي كمان يوم او اتنين وألاقيه بيتفسر لوحده ادامي في موقف من المواقف
آه والله
وساعات بيتحقق بحذافيره
وساعتها ببقى مصدومة دقايق كده وبعدها بحاول أفوق نفسي
دي عالم كبير لا يعلم سره سوى خالقه

ضياء فارس يقول...

السلام عليكم ورحمة الله وبركاته

بالنسبه ليا قرأت معلومه انه الاحلام بتم عقل الانسان في اربع ثواني من حوالي خمس سنين و لكن انا بصراحة مش مصدقها ,,, لازم افهم الاول طريقة القياس اللي اعتمدوا عليها العلماء حتى استطيع اصدق انه الحلم الطويل اللي بكون عايش جواه ساعات بتم في اربع ثواني فقط !!!


عن نفسي بعتبر الاحلام شيء غريب بجد لاني كل ما افكر في حاجه وتبقى شاغله بالي على طول بحلم فيها ,,, تصدقي يا اخت هبه لما افكر في صديق ليا و اكون مشاق ليه على طول بشوفه بالحلم ! ,,, و لما افكر بواحد مش طايقه بجيني بالحلم ! ,,, ولما يكون عليا امتحان بحلم قبله بيوم اني بقدم في الامتحان !!!!

والاغرب من ذلك ايام ما كنت بتوجيهي كنت بحل مسائل لمادة الرياضيات لساعه متاخره من الليل بالاخر تعبت و عندما نمت طول الليل بقيت بحلم اني بحل نفس المسائل اللي كنت بحل فيها وانا صاحي وبنفس الارقام ونفس الدرس !!!! وبستخدم القوانين !!! تخيلي !!!!


فيه معلومه صغيره عن الاحلام ,,, لو كان الحلم مهم بالنسبه للواحد فيجب عليه كتابته اول ما يصحى من النوم مباشره والا سينسى الحلم في دقائق معدوده,,, و حصلت معايا بالفعل اني انسى الحلم اللي حلمته بطريقه غريبه !!!

بعتذر عن الاطاله اخت هبه ,,,
و جزيل الشكر على التدوينه اللي اتاحت النا النقاش في هذا الموضوع المحير ,,,

ودمت بخير

Heba Gamal Emara يقول...

اهلا مدام هبه
ماهو هو ده اللى انا بقصده
يعنى يكون فى ناس عندهم شفافيه بكده
او تكون ميسره له من الرحمن الرحيم
علشان كده الموضوع ده فعلا محير
ممنونتك
دمت بخير

Heba Gamal Emara يقول...

اهلا اخ ضياء
شوف الموضوع معاك متشابه معى جدا بالنسبه للنقطة التانيه
انا كمان ايام الامتحانات ببقى زيك كده بالظبط
يعنى ساعات مبنامش خالص
ولما بنام بحلم بالاسئلة والاجابات والحاجات اللى ذاكرتها
ومبيبقاش نوم بيبقى عامل كده زى احلام اليقظة
طيب انا مره وانا نايمه وكان صابح عليا امتحان .....حلمت ان انا بقول لنفسى طيب ما هو ممكن السؤال ده
ييجى فى الصورة دى وفعلا قمت ذاكرتها ولما دخلت الامتحان لقيتها بالظبط
والحكايات معايا زى دى كتيره اوى اوى
والموضوع فعلا محير علشان كده انا حبيت اتكلم فيه معاكم
جزاكم الله كل الخير
ودمت بود يا اخ ضياء

ponpona يقول...

بصي بقي ياهبه
اللي انا اعرفه من الناحيه العلميه ان النوم دا بييقي متقسم دورات (cycles) كل سايكل من دول بتبقي مدتها حوال 110 دقيقه
وكل سايكل متقسمه جزئين 90 دقيقه و 20 دقيقه

الفتره الأولانيه دي (فتره الـ90 دقيقه) اسمها فتره الـ Non REM sleep يعني ( Non Rapid Eye Movement )
الفتره دي بقي مابيبقاش فيها أحلام والعين فيها مابتتحركش والجزء الملون من العين بيبقي متجه لفوق

القتره التانيه ( فتره الـ20 دقيقه ) اسمها فتره الـ REM sleep يعني (Rapid Eye Movement) يعني لو بصيتي علي عيون النايم وهي مغمضه هتلاقيها بتتحرك فعلا

الفتره دي بقي هي الفتره اللي حقيقة بتحصل فيها الأحلام ، أنا ماعرفش هو بتبقي مدة الحلم قد ايه بس اللي أعرفه ان الواحد لو صحي م النوم في فترة الـ20 دقيقه دي هايبقي فاكر الحلم آي نعم بيروح منه بالتدريج بس بيبقي فاكره أول مابيصحي

لكن الواحد لو صحي م النوم في فترة الـ90 دقيقه دي مش هايفتكر أصلا انه حلم رغم انه بالفعل حلم

جزئيه بقي ليه الواحد بيبقي فاكر الحلم أول مايصحي وبعدين تبدأ التفاصيل تضيع منه بالتدريج دا بيبقي لأن الأحلام تمثل وبصوره كبيره العقل الباطن والي حد ما بيبقي هو اللي فارض سيطرته علي العقل الواعي ، لكن لما الواحد بيصحي ويبتدي يفوق بيبدأ العقل الواعي يستعيد السيطره وف المقابل تتراجع سيطره العقل الباطن وتتلاشي معها تفاصيل الحلم

بالنسبه بقي لأن اللي بيحصل ف الواقع دا بيأثر علي اللي بيحصل ف الأحلام فدا فعلا حقيقي

انتي عارفه .... أنا الفيسيولوجي طول السنه عاملي أرتيكاريا ناهيك عن الأساطير اللي بتتحكي حوالين الأمتحانات بتاعته بالذات الأورال منها واللا الكلام اللي بنسمعه عن الدكاتره وكأنهم جايين من عالم تاني للقضاء علي الكوائن الأرضيه المسماه قهرا طلبة طب

تخيلي أنا امتحنت البراكتيكال والريتن والأورال وخلصت كل كل الامتحانات وخلاص مافيش فيسيولوجي تاني والمفروض أركز بقي ف الماده اللي جايه ودا لايمكن راضي يطلع من دماغي أبدا بقي عندي امتحان هيستولوجي كمان يومين ونايمه باحلم بامتحان الفيسيولوجي اللي أصلا خلص !!!

هبه ...
أنا طولت صح ؟ بس تعملي ايه بقي أنا صاحي من امبارح وحاجه آخر تهييس بس ممكن أقول حاجه كمان ؟ .... ميرسي ربنا يخليكي ليا كده يارب

ضياء:
بص بقي ياسيدي ، أنا فعلا ماعرفش هو زمن الحلم بيبقي قد ايه ، ممكن ابقي ادور عليها واقولك ، بس اللي متأكده منه انه مايعديش دقايق قليله أوي وممكن جدا يبقي أقل من دقيقه فعلا ، عامة يعني هابقي أتأكدلك

بالنسبه بقي للطريقه اللي هما بيحددو بيها مدة الحلم ، بالظبط هي نفس الطريقه اللي حددو بيها التقسيمه اللي أنا قولتها فوق دي بتاعه 90 و20 دقيقه دي
اللي هي ايه يعني ؟ أقولك ... بص بقي هو في جهاز اسمه (EEG) ودا معناه بالعربي رسام المخ الكهربائي ، حاجه كده بالظبط زي رسام القلب
بيعمل ايه بقي الجهاز دا ؟ الجهاز دا بيقدر يقيس مقدار وتردد الموجات الكهربيه الناتجه عن المخ
ولأن نشاط المخ أصلا هو بالأساس عباره عن اشارات عصبيه كهربيه فالاشارات دي بتختلف باختلاف نشاط المخ ، يعني تختلف من المخ اللي صاحبه صاحي عن المخ اللي صاحبه نايم واللي مثلا بيبذل مجهود ذهني عن اللي قاعد ريلاكس
وبنفس النظام بردو ، العلماء تتبعو اشارات المخ أثناء ما الواحد نايم وقدرو يحددو منها فترات الهدوء وفترات النشاط ويحسبو زمنها

يعني فترات الهدوء دي اللي هي فتره الـ90 دقيقه ، وفتره النشاط بتبقي فترة الـ20 دقيقه

والاشارات عند بدايات الأحلام أكيد بيبقالها شكل معين بيقدرو علي أساسها يحسبو زمن كل حلم

فكرة بقي ان ازاي أصلا الواحد يحس ان الواحد عاش جوا الحلم ساعات وان الحلم فعلا بيبقي أقصر من كده بكتيييييير
فانا ماعرفش .. بس ممكن لأن أحداث الأحلام وأزمنتها لا تخضع لقوانينا المنطقيه


تصبحو علي خير بقي
:)

Heba Gamal Emara يقول...

ميرسى اوى يا بنبونة على المعلومات الجميله دى
انتى فعلا قدمتى حاجات جميله اوى
بقوللك ايه ابقى ابعتى لى الايميل بتاعك
علشان نتكلم سوا على الماسنجر
اوك
وانتى من اهل الخير
سلام

ضياء فارس يقول...

معلوماتك رائعه يا اخت ponpona وكلام منطقي ,,,ياريت لو عندك مصادر للإطلاع اكثر في هذا الموضوع بكون ممنون لو ورتينا اياهم ,,, لاني حابب اتعمق بهذا الموضوع وشايفه شيق كتير ,,, وشكرا اختي على الشرح الوافي ,,,

وبكرر شكري للأخت هبه لانها فتحت النا المجال حتى نتناقش ونحصل على هذه المعلومات القيمة ,,,
وبارك الله فيكم

Heba Gamal Emara يقول...

الشكر لك يا اخ ضياء
بس منتظرة ردك على الموضوع الجديد
ممنونتك