29‏/09‏/2009

مآساة تتكرر كثيرا

قليلة هى لحظة صفاؤهما.. قد تكون منعدمة . افرح كثيرا عندما يكونا على وفاق .. وتغمرنى سعادة وامل بأن يكونا هكذا طوال العمر..... اعى ان الخلافات الزوجية شئ لا مفر منه.. ولكن ماذا اذا اخفاها عن ابنائهما وتصرفا بشكل طبيعى حتى اذا كان ما بينهما خلاف!! ماذا اذا خافا على مشاعر اولادهن من التعقيد؟؟! ماذا اذا راعا مشاعرهما؟!؟ ماذا اذا تم الاتفاق على الا يكون بينهما خلافات!!! ماذا اذا تجاوزاها اكراما للعشرة الطويلة، اكراما للذرية الصالحة؟؟؟؟ انتى عارفه اننى خايفه اتجوز بسببهم!! خايفه يكون فى بينى وبين زوجى مشاكل زيهم!! خايفه تتكرر مآساتهم معايا!! خايفه يتسلل الملل الى حياتنا!! خايفه ....... وخايفه وخايفه!!!!!! من الان ساضع شرطا لمن يتقدم لطلبى للزواج اهم شرط: الا نختلف نهائيا فقط نحب بعضنا ولا يعكر صفونا شئ من منغصات الحياة والا يفعل ما يغضبنى وانا ايضا وان لم يراه مناسبا _اى هذا الشرط _فهو غير اهل لى. ان يحيطنى بحبه وحنانه الى الابد ان يجعلنى ازهد فيما حولى فقط فى مقابل حبه لى.... تركتها تكمل حديثها الى ان تنتهى حاولت ان اقنعها بان لايوجد ما تتمناه ولكنها اصرت ان تحقق شرطها قائلة :اذا احبنى بصدق فسوف اعطيه عمرى كله ولن ابخل عليه بنور عيونى....

هناك 15 تعليقًا:

Mr.Hazem يقول...

كتبت تعليق لكن ما بعرف تم ارسالة أم لأ هههه
كانت فكرتي انه هيك شي بيواجه عائلات كثيرة
ولكن اختلف معك بأن الاهم او ان يكون بينكم صدق وصراحه
اذا ما توافر \لك حتماً ستترتب عليه السعادة والمحبة
رائع ما تكتبين
ارق تحية

noon kiko يقول...

هذا البوست تحفه
لمستى وترا حساسا لدينا
صديقتى العزيزه
ان احبنى بصدق سامنحه عمرى كله..
ترى اين يوجد هذا الحب الصادق فى زمن الكذب؟
زمن لايعرف سكانه ماهو الحب
يكرهون اكثر مما يحبون
والحنان الذى تبحث عنه تلك الفتاه
هو البحث عن ابره ف كوم قش
اقنعيها الاتلهث خلف السراب ف صحراء هذا الزمن

Heba Gamal Emara يقول...

اهلا بيك يا استاذ حازم
فعلا عندك حق
بجانب الحب لاوم يكون فى صدق وصراحة
وهو ده اللى يؤدى الى الحب
جزاك الله كل خير
وشكرا ليك
ممنونتك

Heba Gamal Emara يقول...

صدقينى يا واحده انا لحد دلوقتى لسه مقتنعه انى اكيد هلاقى اللى يقدرنى ويحبنى
اكيد مش هفقد الامل
واكيد مش هرتبط الا بمن يقدرنى واقدرة
واكيد هيجينى على حصانه الابيض زى ما بيقولوا فى الروايات
فى بعض الاحيان الانسان يكون على الانسان ان يتحلى بقدر من الامل يعينه على مواصله حياته
اما نشوف الامل ده هيودينا على فين ؟!!!!!!!!!!!!!!
منوره المدونة

Heba Taher يقول...

إعمال العقل قبل القلب في اتخاذ قرار
اختيار شريك الحياة يعد من أهم الأمور التي يجب أن تتحقق لكي تتمكني بعون الله من تجنب ولنقل اجتياز اية صعوبات وخلافات زوجية قد تظهر مستقبلا
زي مابيقولوا
الخلافات الزوجية في الزواج زي الملح في الأكل، مرة تزيد ومرة تقل ومرة تكون معدومة تماما ومرة تكون في حدود المضبوط
ربنا يريح قلبك ويوعدك بابن الحلال اللي يريح قلبك ويسعدك يارب

Heba Gamal Emara يقول...

اهلا بيكى مدام هبه منورة المدونة والله
كلامك مظبوط جدا جدا
بس انا مش شايفه ضرورة للملح
يعنى لو فى حب وصدق ومودة واحترام وتقدير
ممكن يكون للحياة طعم تانى
ده مش ممكن ده اكيد
وهذا هو ما اتمناه
:)
ممنونتك

علياء يقول...

أرى أن الحياة الزوجية لا تخلو نهائياً من الخلافات, حتى ولو كانت بسيطة.. فالأمور لا تسير دوماً في اتجاه الحب والسعادة المطلقة.. وإلا سيكون ذلك شيئاً مملاً..نعم, مملاً.. فالثبات على شيء واحد والمداومة عليه أرى أنه يسبب الملل..
ولكن النقطة التي أثارت اهتمامي للغاية هي تركيزك على فكرة تأثير الخلافات الزوجية على الأبناء.. يجب الانتباه لهذا,, لكيلا يؤثر على الأبناء بصورة سلبية..
أرى أنك موفقة في هذا الموضوع يا هبة:) وأتوقع منك المزيد
تحياتي,,

Heba Gamal Emara يقول...

لا لا يا علياء
انا مش متفقه معاكى ابدا فى النقطة دى
ازاى يعنى بدون الخلافات تبقى الحياة ممله
الحب والصدق والاحترام والموده هما فعلا الطريق للحياة السعيده
وبعدين متخلينيش انسى ما ذكر فى كتاب الرحمن (وجعلنا فى قلوبكم مودة ورحمة)
وطبعا اختلاف الراى لا يفسد للود قضيه
وكمان عايزة اقوللك ان الخلافات الزوجيه حتى ولو كانت بسيطة فهى اشد مراره على الاولاد
ممنونتك يا علياء
ميرسى اوى على مشاركتك فى المدونة

غير معرف يقول...

هبة جمال..

نحن نصنع خيالاً أجمل من الواقع..

ففي الخيال، يأتي الشاطر حسن، أو فارس الأحلام، يرتدي ثياباً نظيفة، ويركب على ظهر فرس أبيض، ويقول كلاماً معسولاً.. ويظل ينظر إلى حبيبته ويتأملها ويغمرها بعطفه وحبه.. وفي نهاية الحكاية، يعيشوا في تبات ونبات ويخلفوا صبيان وبنات..

أما في عالم الواقع، فالشاطر حسن لا يأتي لحبيبته.. وإنما تشده حبيبته من قفاه لأنه مش عايز ييجي.. وبعدين تكتشف إن قميصه وسخ وريحته معفنة.. لأنه مش بيستحمى لأن المية مقطوعة عن بيتهم.. وكمان لا يملك حصاناً وإنما يملك زوجاً من الأحذية المقطعة لضيق ذات اليد لأنه "عاطل".. وبعدين لا يقول كلاماً معسولاً لأن الكشري والفول والطعمية اللي بياكلهم بيعملوا له انتفاخ والانتفاخ بيقفل مراكز الحس والعاطفة في العقل..

باختصار، عالم الواقع مختلف تماماً عن عالم الأحلام..

ومن نعمة الله علينا، أنه وهبنا الاثنين.. نعيش الواقع ونعوض ما يحدث في الأحلام..

بس.. وتبقى المسألة قشطة.. وخلاص.. :)

قولي لصاحبتك.. بكرة نقعد على الحيطة ونسمع الزيطة.. يعني بكره نستنى لما تتجوز وبعدين نشوف ها "تطرقع" لجوزها وتطين عيشته ولا لأ.. :)

Heba Gamal Emara يقول...

استاذى غير معرف :
اكيد طبعا عندك حق فى كل ما تقوله
ولكن لماذا لا نمنى انفسنا فى بعض الاوقات ببصيص من النور والامل يجعلنا على الاقل نستطيع مداومة الحياه
فيا استاذى العزيز :
ربنا خلق الناس فى الدنيا دى طول عمرهم بيدوروا على الحب ... فى ناس سعداء بيلاقوه وفى ناس كتير بتعيش وتموت وهما لسه بيدوروا عليه
"ومن نعمة الله علينا، أنه وهبنا الاثنين.. نعيش الواقع ونعوض ما يحدث في الأحلام..

بس.. وتبقى المسألة قشطة.. وخلاص.. :)"

اشطاط
ولله فى خلقه شئون
كمان عايزة اشكر حضرتك على التعليق الجميل والطويل هى دى التعليقات ولا بلاش :)

كمان عايزة اقول لكم يا جماعه ان الاستاذ غير معرف هو ليس غير معرف
ولكنه رجل احبه من كل قلبى ويحتل من قلبى جزء كبييييييييييييييير اوى اوى
هو استاذى وحبيبى وووالدى

هو جمال عمارة

بس متبقاش تكتب غير معرف تانى لانى هعرفك هعرفك ......
ولو من وسط مليون غير معرف

وهل يخفى القمر.......

Heba Gamal Emara يقول...

قولي لصاحبتك.. بكرة نقعد على الحيطة ونسمع الزيطة.. يعني بكره نستنى لما تتجوز وبعدين نشوف ها "تطرقع" لجوزها وتطين عيشته ولا لأ.. :)



حاضر هقولها :):):):)

عمرو يقول...

أنا قريت البوست ده من كتير قوي على فكرة بس مش علقت. المشاكل هي الحياة يا هبة. نسبة منها تبقى الحياة كويسة.. لما تزيد الحياة تبقى جحيم
مودتي

Heba Gamal Emara يقول...

واضح ان الكل مصمم على ان المشاكل هى سر الحياة الزوجيه

والواضح ايضا اننى لازم اوافق على كده

ومظبوط كلامك يا مستر عمرو

تبقى الحياه جحيم

ومثلما قال رسول الله صلى الله عليه وسلم
(خير الامور الوسط)

جمال عمارة يقول...

ببس..

مش أنا اللي أكتب تحت اسم مستعار أو تحت اسم "غير معروف".. مش أنا :)

الهباب المدونة بتاعتك هي اللي بتستعبط وقلت لها أنا مين وهي عاملة مش واخدة بالها.. :)

Heba Gamal Emara يقول...

طيب بس متشتمش المدونة بتاعتى لو سمحت
وبالنسبه للمدونة فدى اول غلطة تعملها ومش معقوله يعنى من اول مره هسمسك لها العصايه
براحه....براحه....