مآساة تتكرر كثيرا

قليلة هى لحظة صفاؤهما.. قد تكون منعدمة . افرح كثيرا عندما يكونا على وفاق .. وتغمرنى سعادة وامل بأن يكونا هكذا طوال العمر..... اعى ان الخلافات الزوجية شئ لا مفر منه.. ولكن ماذا اذا اخفاها عن ابنائهما وتصرفا بشكل طبيعى حتى اذا كان ما بينهما خلاف!! ماذا اذا خافا على مشاعر اولادهن من التعقيد؟؟! ماذا اذا راعا مشاعرهما؟!؟ ماذا اذا تم الاتفاق على الا يكون بينهما خلافات!!! ماذا اذا تجاوزاها اكراما للعشرة الطويلة، اكراما للذرية الصالحة؟؟؟؟ انتى عارفه اننى خايفه اتجوز بسببهم!! خايفه يكون فى بينى وبين زوجى مشاكل زيهم!! خايفه تتكرر مآساتهم معايا!! خايفه يتسلل الملل الى حياتنا!! خايفه ....... وخايفه وخايفه!!!!!! من الان ساضع شرطا لمن يتقدم لطلبى للزواج اهم شرط: الا نختلف نهائيا فقط نحب بعضنا ولا يعكر صفونا شئ من منغصات الحياة والا يفعل ما يغضبنى وانا ايضا وان لم يراه مناسبا _اى هذا الشرط _فهو غير اهل لى. ان يحيطنى بحبه وحنانه الى الابد ان يجعلنى ازهد فيما حولى فقط فى مقابل حبه لى.... تركتها تكمل حديثها الى ان تنتهى حاولت ان اقنعها بان لايوجد ما تتمناه ولكنها اصرت ان تحقق شرطها قائلة :اذا احبنى بصدق فسوف اعطيه عمرى كله ولن ابخل عليه بنور عيونى....

الروتين

النهاردة صحيت من النوم .... لا لا ! ايه ده؟! ده انا منمتش اصلا!!

المهم قلت اعمل ايه اعمل ايه؟

بس اروح ادفع مصاريف السنه الجديدة فى الجامعه

ويا ريتنى ما روحت

ساعتها بس صدقت كل كلمه بتتقال عن الروتين الحكومى

منهم لله ,

فى الاول قلت علشان ابقى فى السليم اتصل بالتليفون الاول اسال اذا كان ممكن اجى ادفع المصاريف النهاردة ولا لأ؟؟

فردت عليا موظفه قالتلى: تعالى يا حبيبتى تعالى

قلت لها: حضرتك متأكده اننى ممكن اجى النهاردة ادفع مصاريف الفرقه التانيه انتظام؟!

قالت لى طبعا يا حبيبتى طبعا

قلت انا: خلاص ...طالما بتقولها بقلب جامد اوى كده اروح واخلص نفسى لاننى لو روحت فى ايام الدراسة مش هعرف اقف فى الطابور اصلا

وبعدين اول لما روحت سالت فى شئون الطلبه قاللى :لا الدفع مع السنه الجديدة !!!

قلت له: نعم !!!!!!!!!

حاولت طبعا ان اهدئ اعصابى

وقلت له اللى حصل كذا وكذا وكذا _وحكيت له عن المكالمه التليفونيه .

قاللى من اللى رد عليكى ... اللى ردت عليكى دى قالت لك المعلومات غلط

قلت له ازاى يعنى ؟؟!!؟

لاحظ انى مش هعدى الموضوع بالساهل

نادى هو على الموظف زميله وقاللى ثانيه واحده

وكان رجلا كبير فى السن واستسمحت وجهه وقلت هو ده اللى هيحل المشكله

فى هذه الثانيه وقفت انا اراجع مع نفسى الموقف

وقت فى نفسى:ايه الهزار ده ،هى دى مش كليه وكلهم المفروض متماسكين مع بعض كأعضاء هيئه شئون الطلبه

يعنى المفروض انها تعتبر منظمة ومش لازم يبقى فى اختلاف فى البيانات علشان تمشى المنظمة بسهوله وحتى لا تتعرض الى اى اختلالات_ده بحسب مجال دراستى فى ادارة الاعمال.

المهم جاء الموظف الاخر وقاللى ايه المشكله بقى ؟

تانى !!قلت فى نفسى !!هحكى تانى !

المهم قلت له على الموضوع

قاللى انتى بقى عامله مشكله علشان تدفعى

قلت له :ايوة

قال لى: يا سلاااام ولا يهمك

واستدرك :كويس انك جيتى هنا الاول لانك لو كنتى روحتى على الخزنه على طول

قاطعته وقلتله:خزنه ايه ؟؟

قال لى: الخزنة اللى جانبينا

وشاور على الخزنة....

وجدت طابورا اطول بكثييييييييييير من طابور العيش الذى اراه من وقت لآخر

لاحظ هو اندهاشى العجيب للطلبه اللى واقفين

قاللى اهو انتى كنتى هتقفى الطابور ده كله من غير اى لازمه

قلت له:كتر خيرك يا حج _نظرا لكبر سنه_

واعطانى ما يسمى بإذن الدفع

وذهبت الى الخزنة ولحسن حظى واضح ان الطلبه اللى كانوا واقفين زهقوا او طلعت روحهم او اتخنقوا او....او.....

ووجدت الخزنه فارغه تماما ودخلت بسرعه ودفعت ولم اصدق نفسى انى دفعت واخدت الايصال

قلت بالمرة بقى اسال عن الجدول فقلت لها:لو سمحتى ؟؟؟

قالت لى: نعم؟؟؟

قلت لها:الجدول

قالت:بكرة

قلت لها:الكتب

قالت:بكرة

قلت لها:الكارنيه

قالت:بكرة

قلت لها: شكرا

اعتقدت انها هتقوللى بكرة

ولكن الحمد لله غيرت الكلمه وقالت :العفو

وقتها تذكرت الراحل عماد حمدى عندما قالها فى فيلمه ام العروسة:

الله يخرب بيت الروتين على اللى ابتدعوا الروتين

العيد فرحة

اهو جانا العيد اهو جانا العيد زئططوا يا ولاد ..افرحوا يا بنات يا ليلة العيد انستينا وجددت الامل فينا ...يا ليلة العيد والاغانى اللى بتعبر عن فرحة العيد كتير لكن شددتنى منهم اغنيه السيدة ام كلثوم والاغانى الجميلة اللى بتغنيها صفاء ابو السعود كل سنة وكل زوار المدونة بخير وصحة وسلام طبعا العيد السنة دى كان ليه طعم جديد تماما اول مرة ييجى العيد فى الاجازة والعيد السنة دى جاى ف وسط توضيب الشقة بس صدقونى المختلف هو احساسى بالعيد حاساه السنه دى مختلف لما نزلت اصلى العيد كان احساس شديد بالفرحة اثناء ذهابى للمسجد زحمة كتيييييييييييييييييييييييييييييييييييييييييييييييييييييييييييييييير ومع المساحة الصغيرة المخصصة للسيدات والزنقه احسست انى اقف وحدى اثناء بدء الصلاه يعنى فى احتمال اسافر اروح اسكندرية محتاجه مناظر الخضرة والبحر قبل بدء السنه الدراسية الجديدة كل سنة وانتوا طيبين وعيد سعيد علينا وعليكم كلكم

طاجن المرار الطافح

النهارده هكتب لكم عن وصفة اكل جديدة

هى الاكله المفضلة للمصريين " طاجن المرار الطافح "

المكونات :

طماطم معطبة ويستحسن تكون مرشوشة بأى مبيد حشرى

باذنجان ابيض مسرطن -نعرف انه مسرطن لما تلاقى فيه نقط سوداء كتير -

2كيلو لحمة يكون فيها فيرس انفلونزا الخنازير

2كيلو بانيه يكون من فرخه مصابة بانفلونزا الطيور

1معلقه عسل اسود

طبعا نحاول يكون الموضوع مقرف على قد ما نقدر

هنخلطهم كلهم على بعض و نحطهم فى حلة ونسلقهم وناكلهم

وبالهنا والمرار

**نصف الوصفة مقتبس من الشيف الكبير سيد ابو حفيظة **

الحلم

الاحلام

ايه هى الاحلام

يعنى ايه الواحد يحلم

هل الاحلام تتحقق فى بعض الاحيان

وماذا عن الطموح الذى يسمى بالحلم

وماذا عندما لا يحلم الانسان

و..و.....و....

بالطبع عندما وردت هذه الخاطره على بالى استشرت الاستاذ الكبير :جمال عمارة

وعندها قمنا بعمل جلسة مكثفة فى المضمون قصيرة فى الوقت

لم تاخذ الجلسه اكتر من 15 دقيقه

احببت ان اتكلم عنها معكم

بالطبع لن استطيع الان لظروف النت ان اذكر مضمون الجلسه الكامل

يقولون ان الارواح تسبح فى ملكوت الله عند النوم

والبعض الاخر يقول انها من العقل الباطن

ويقولون ويقولون ,,,,,,

ونستعجب نحن

ولا يسعنا الا ان نتذكر قول الرحمن فى كتابه الكريم

"(ويسألونك عن الروح قل الروح من امر ربى )"

سبحان الله

فى انتظار ما تجودون به من معلومات واراء

عيد ميلادى

فى البدايه طبعا انا عايزة اعتذر عن انقطاعى عن التدوين لفترة طويله منهم لله بقى الناس بتوع المترو اهئ اهئ قطعوا علينا المياه والتليفون وبقت حالتنا وحشه خالص *طبعا بعد فترة طويله من الشغل البناتى على بابى ...اخيرا ادانى الوصله لمده 5 دقائق علشان اكتب لكم على عيد ميلادى *اول مره ييجى عيد ميلادى فى الشهر الكريم *طبعا التدوين جه متاخر *انا عيد ميلادى يوم 9/9 *واتولدت فى سنه1991 *ولما كان عندى 9سنين *كان عيد ميلادى يوم 9/9/1999 *والسنه دى انا عيد ميلادى جه فى يوم 19 رمضان *وبالميلادى 9/9/2009 *علشان كده انا بحب رقم 9 *وفى وسط التوضيب اصريت انى اعمل عيد ميلادى *طبعا بعد معاناه نزلت علشان اجيب التورتايه :) *مش عارفه اوصف لكم انا احتفلت بيه ازاى فضلنا واقفين انا وبابا وماما واخواتى لحد ما طفينا الشمع *18 شمعه *نسيت كل حاجه حواليا ووقفت استمتع باجمل لحظات حياتى اللى بتيجى مرة واحده كل سنه وازاى وقفوا يغنولى ويضحكوا معايا فعلا وبرغم الظروف **ده كان احلى عيد ميلاد فى حياتى**

همسة

ذات فجر

صحوت على هامتك

تملأ المكان

اذهلنى للتو وجهك

وسحرتنى كلمات

فاضت من ألق

تنضح به قسماتك

*************

احسست بك ملء المكان

تملأ مساحات الخواطر

وتحرك الأحلام

والتوق للأرتقاء

إلى أفق آخر

يعتقنى من أسر المكان

من برودة تسكن المكان!!

*****************

كان فيك السحر والدفء

أوصدت عليك

بوابات القلب

ومشيت فى دربك

لا أبالى بقمر ينادينى هنا

وكوكب يطوقنى هناك

كنت أنت الأقمار كلها

ومجموعة الكواكب....

****************

وذات فجر

صحوت على عتمة غيابك

صحوت على الوهم

الذى كنته

وأدركت أننى

أحرقت السنوات

بنار الخدعة

كانت أنت

***************

أيكون هذا الفجر الذى يلوح الآن

استحضارا لخيبة أخرى

يكوينى القلب بنارها؟

****************************************

***عجبتنى اوى القصيدة دى وكدت ابكى فى نهايتها وأحسست انها بالظبط بتعبر عن القصة اللى انا كتبتها

يا رب تعجبكم زى ما عجبتنى ***