2010

ايام قليله..وستنطوى صفحه العام..بحلوه ومره

فأريد أن أعتذر لقلوب لا أعلم أهى راضية ام ساخطة على....

لفعل جهلته او تقصير تماديت به

..... *اعتذر* ......

من القلب...لكل القلوب التى احبتنى ولكل من عرفنى وبتقصير منى اساء فهمى ولكل من عرفته وجهلت قدره ....

أنا آسفه ،،،،،

قبل الندم

اكيد طبعا طبعا كل بنوتة فى الدنيا تحلم بالزواج والاستقرار النفسى والعاطفى

ولكن هل من الممكن ان تتحول الحياه الرائعه والحالمه اللى تحلم بها كل البنات اللى جحيم

هل من الممكن ان يتحول من رأيتيه شابا وزوجا صالحا الى وحش كاسر بمجرد ضمانه انك خلاص بقيتى ليه لوحده وملكيش حد غيره فى الدنيا وانك سافرتى بعيد عن اهلك وابوكى وامك ومينفعش انك تشوفيهم تانى

يبقى ده جزائها

من وثقت فيه وأحبته وأرادته زوجا لها

يكون المقابل انها تتلقى منه من انواع العذاب والهوان ما يخطر لك على بال

يكون كل اهتمامه هو ان يعف نفسه فى بلاد بعيده

كل ما كانت تريده هو لمسه حانيه على وجنتها وربته على كتفها تحسس بعدها بالامان

تتلقى بدل من هذه اللمسه ضربا مبرحا فقط لانها مزحت معه

ان يصل الامر الى ان يغلق عليها باب الشقه بالمفتاح من الخارج ....ان يحبسها

ان يصل بها الامر الى ان تتخلى عن كافه حقوقها الماديه والمعنويه فقط لمجرد الخلاص منه

واقول لها فلتحمدى ربك انك لم ترزقى منه بطفل يربطك به الى الابد ومثله لا يستحق ان يك ابا

اهذا هو الامن والامان

اهذا هو ما يطلقون عليه الاستقرار

اعلم جيدا جيدا جيدا

ان هناك اختلاف بين كل شخص واخر

وان مثل هذا الذئب هناك منه الكثيرون وهناك الكثير من الشباب من يتقون الله فى معامله زوجاتهم

وانا ادعى الله ان يرزقنى زوجا يتقي الله فينى ولا يعاملنى كرهينه مثلما عُملت المسكينه

وأثق بإذنه سبحانه وتعالى انه سوف يرزقنى به

واخيرا

عزيزتى من تفكرين بالزواج

فكرى كويس اوى اوى قبل ما يحدث ما لا يحمد عقباه

واعرفى ان لقب "عانس" احسن مليون مرة من لقب "مطلقه" او ان حتى تعيشى مقهورة ومذلوله علشان تهربى من حاجه مش موجوده اصلا

رجعت من السفر .

فى ساعة من ساعات الليل ..وجدتنى ذاهبه الى الشرفه لكى استنشق بعض الهواء النقى مع نسمات البرودة اللذيذه ..فإذا بها تأتى على بالى فجأة ،،

وفجأ أجدنى أفكر بها وأسال نفسى عنها :ترى كيف هى احوالها الان ؟؟؟

هل هى مستقرة نفسيا وعاطفيا ؟؟هل نستنى ام مازلت فى بالها ؟؟هل سترجع الى مرة اخرى.. هل سنكون هبه وـــــــــــــ كما كنا ؟؟؟

اسئله كثيرة تتهافت على رأسى ولا ادرى لها جوابا ...الى ان جاءنى شئ كهاجس يقول لى :اذهبى وحدثى والدتها فى التليفون واطمئنى عليها واساليها عن ابنتها (صديقتى) وعندما حدثتها وجدتها تقول لى بعد ترحيب : طيب ما تكلميها انتى يا حبيبتى.. نزلت على الصاعقه وانا اكلمها :هى موجودة يا طنط والله !!!!

أنا: الوو

ــــــــــ: ايوه ازيك يا هبه

انا: (مذهوله من سماع صوتها مرة اخرى) :اهلا يا ــــــــــ ازيك يا حبيبتى عامله ايه انا مش مصدقه انى بكلمك كده برضه اللى انتى عملتيه !!

ـــــــــ: معلش والله يا هبه ظروف كده حصلت ومعرفش حصلت ازاى ؟انا محتاجه اكلمك اوى اوى يا هبه !

انا:(بلهفه) :طبعا يا حبيبتى قررى اى وقت انتى عايزانى اكلمك فيه وانا اجيلك او نتقابل انا اصلى معرفش البيت تيجى نتقابل عند الجامعه واخدك ونروح فى اى حته انتى عايزاها انا عايزة اقعد معاكى كتير اوى

ــــــــ: (وكانها فرحانه لاننى لم اعتب عليها على فعلتها وسامحتها وكما لم يحدث اى شئ ) انا متشكرة ليكى اوى يا هبه ربنا يكرمك يا حبيبتى يا رب يبقى خلاص هكلمك فى الجامعه ونتقابل هناك لوحدنا انتى مش مصدقه انتى واحشانى قد ايه وعايزة اكلمك كتيير.... كتير اوى !!

انا:طيب ما شى يا حبيبتى فى اى وقت انتى تحبيه هقابلك هناك .. مع السلامه

ـــــــــ: مع السلامه يا هبه

واغلقت السماعه .ولم اسمع صوتها من البارحه ..اكتب الان وانا اكاد اجن ومتشوقه جدا جدا لسماع اخبارها والتكلم معها ورؤيتها مرة اخرى

بمجرد سماع صوتها نسيت كل شئ ....نعم كل شئ وافتكرت كل حاجه جميله حصلت بينى وبينها وقلت يا ريت الايام ترجع تانى

يا ريــــــــــــــــــــــــــــــــــــــــــــــــــــــــــــــــــــــــــت .

أنا جييييييت من رحلة جميلة الى الاسكندريه

اعزائى اعضاء مدونتى هبه والحياه مرحبا بكم مرة اخرى بعد غياب 5 ايام متصله قضيت فيها لحظات رائعة وجميله فى الاسكندريه اعتذر عن الغياب ولكن سفرى كان مفاجئا ،،،وانتظروا بوست فى خلال اليومين القادمين .....

جرحى أنا

صحيح البعيد عن العين بعيد عن القلب

وهو ده اللى حصل معايا بالظبط ...بعدت عنهم قليلا فإذا هم لا يسألون أو بالأحرى _لا يهتمون _ أبكى وانا اكتب هذه الكلمات ولكن ما باليد حيله وماذا عساى ان افعل فى موقف مثل هذا ؟؟ نسونى ولم يتذكرونى / يروننى الآن وانا اكتب وأبكى ولكن ....، تغيبت عن الجامعة ما يقرب من إسبوع لظروف صحية وكالعادة لم يتصل أحد او يهتم أى احد / حدثت العديد من التطورات فى الجامعة من السكاشن للإمتحانات للمجموعات للمحاضرات ...يا قلبى لا تحزن .

أعتقد أو بالأحرى قاموا بجعلى اعتقد اننى عضو غير مرحب به فى مجموعتهم _شلتهم_ اه يا قلبى كم أكرة هذا الاحساس ،يقول لى شخص عزيز جدا جدا الى قلبى وهو من اجرى عليه واستشيره فى مثل هذه المواقف :متزعليش عليهم ما يمكن انتى اصلا كنتى عضو غير مرحب بيه من الاساس وانتى السبب انتى اللى بالغتى فى توقع رد الفعل منهم لانك بسرعة جدا اعتبرتيهم اصحابك ، وابكى واتساءل وهل يشعرون بهذا الآن ،فقط الآن يشعرون انن لست ملائمة لهم ،بالطبع فأنا أختلف عنهم كثيرا .. انا اسال واهتم واطمئن ،ابلغهم بأى من التطورات التى قد تحدث فى الجامعه لأجلهم ولأجل مصلحتهم ولم لا .اليسوا اصدقائى ..او كانوا ... .

شعرت حينها اننى من المحظوظين بصداقتهم بعد مرور ما تعدى الألف من الايام سويا ،بكيت مرارا وتكرارا على ايامى اللى قضيتها معهم واتخذت قرارا بأن أكتفى بتكوين زمالات عاديه لا اعتقد انها ستدوم او يطلق عليها صداقه العمر كله ، اه الآن تذكرت صديقتى التى اعتقدتها يوما صديقه العمر - اه كم اكره سذاجتى هذه_ اعتقد _وان اكره اعتقادى هذا الذى جعلنى بدوره احسب ان كل شئ جميلا فى هذه الحياه _ انها _اى صديقتى _ تشاركنى هذا الاهتمام ولكنها سافرت وتركتنى وحدى ويمكنكم قراءه ما حدث فى بوست ( الندله ).

اعلم او ممكن -وان كنت اشك فى هذا - انهم من الممكن ان يقرؤا هذا الكلام الآن ن ويرجع شكى الى انهم لا يهتمون بزياره مدونتى من الاساس لان من يملك منهم جهازا هم 2 فقط وسبحان الله هم من بدؤا بالهجرة والبعد والباقى منهم لا اعرف من اين سيعرفون موقفى هذا ،، اراهم يتكلمون ويتحدثون بل ويضحكون وينظرون الى بلا اى اهتمام كما لو لا يوجد بيننا عشره شهور وايام وكما لو اننا لا نعرف بعضنا من الاساس ،، اننى حقا اشعر عليهم بالبأس الشديد وان كان هذا ليس بالغرور فهم من خسروا الكثير والكثير فقد قررت قطع علاقتى معهم وانا ابكى منذ اخر موقف حدث بينى وبينهم ،، بدات باكيه بمسح نمرهم من على الموبايل مرورا بحسابتهم فى الفيس بوك وانتهاءا بالايميل على الماسنجر والذى لم نستخدمه ابدا ...!! / مواقف عده مررت بها معهم منها من اضحكنى ومنها من ابكانى_ويا لكثره هذه المواقف- احسست معهم بهدر الكرامة وبعض الذل فقد كنت اتمنى ان يحبوننى ويتمنون الخير لى مثلما افعل ،فانا كنت من اسال عنهم وهم لا يسالون اقترب منهم وهم يبتعدون ويقول لى عزيزى :ما يمكن سؤالك الكتير ده هو اللى بعدهم عنك ؟! واقل له :يعنى هو ده جزائى مش معقول اللى يسال ويهتم يكون جزاءه النسيان والهجر ..اه يا راسى المسكين -كم هائل من الاستفسارات والاسئله التى اتمنى ان اجد لها حلا تكاد تفتك به- فاننى لا ارى حتى الفضول بعينهم لكى يروا ما اكتبه لعلهم يحسبوننى استذكر فهذا سبب اكيد من اسباب بعدهم عنى ..

بعدها بدأت واحده بالكلام والاخرى بالسلام وثالثه لا اضعها فى الحسبان ،، بعضهم قال لى :طب ما تروحى تعرفى هما ليه بيعملوا كده ..ارد واقول طب وكرامتى مالهاش اى اعتبار ،،ثم ان اكتر شئ بكرهه فى الدنيا هو التطفل لاننى مهما كان عمرى ما هسمح لنفسى ان اتطفل عليهم مهما حصل لاننى حاسسه انهم لو بجد بيحبونى ومهتمين بيا كانوا ندهولى او على الاقل لم يتركونى ويذهبوا بعيدا ،،وخلاص كل واحد فيهم بان على حقيقته اللى كان مخبيها وراء وش جميل مبتسم ومرحب ،،وياما اتخدعت بهذه المظاهر وكم اكره هذا الشعور .... وان قراتم هذا يا اصدقائى او يا من كنت اصدقائى فلا تغضبوا منى ولا تستاءون اعذرونى على جفائى معكم من اليوم والى ان تتغير احوالكم وانتم من بداتم ,,بالنسيان والهجر وعدم الاهتمام ...ايضا اعذرونى اعزائى القراء على ما بدر منى من سوء تنظيم للرسالة فقد كتبتها فى لحظة ونشرتها ولم استطع اعادة صياغتها وكتبتها من قلبى وكما كان يملينى عقلى ،،،،،

Test

صديقتى زهرة ارسلت لى هذا الكويز وطلبت منى اجاوب عليه وكانت الإجابات كما يلى :

- من أنت؟

انا انسانه حساسه جدا وفى نفس الوقت طيبه جدا بشهادة من حولى والله مش جايبه حاجه من عندى

- وما الذى تفعله هنا؟

انا هنا بكلم اصحابى وحبايبى وبتعرف علي ناس جداد

- إسرائيل تقصف كل جنوب ممكن بحثا عنك ، أي شمال تقصد؟

ممكن شمال على طول فى حضن ماما وبابا لان هو ده المكان الوحيد اللى بحس فيه بالامان

- أنت مكلف بحذف حرف من حروف اللغة العربية .. أيها ستختار ولماذا؟

ممكن حرف الذال ، وده لانه بعيد فى اخراللوحة وكمان مش موجود فى الحب والليل والسهر والشمس والنجوم والتفوق والصداقه وهى دى الحاجت اللى بحبها

- لو قدر لك أن تدخل السجن فما هي القضية التي تتمنى أن تدخل بها إليه؟

يا حول الله يا رب ،ممكن ادخل السجن فى قضيه .... مش عارفه وانا اتعب نفسى ليه لا يا عم انا لسه صغننه على الحاجات دى

- نحن لا نعيش حياتنا بل نتعلم فيها كيف نعيش. ما تعليقك؟

والله انا رايى ان لانسان طول ما هو عايش بيتعلم

- على مفترق طريق لافتتان ، اليمنى تقول ( إلى حلمك) واليسرى تقول : (إلى ما لم يحلم به البشر) ، أي الطرق ستسلك؟

أكيد طبعا الى اللافته اللى تقول الى حلمك لاننى انا بحلم بحاجات معينه احققها وانا اعرف منين بقى ان ما يحلم به بشر ده هيسعدنى ولا لأ و انا ادخل نفسى فى اللى مليش فيه ليه ؟!

- بجملة واحدة فقط أكتب تعريفاً لكل كلمة من الكلمات التالية:

- الوطن: بلدى اللى بحس فيها بالأمان والاطمئنان

- الأم: حضن دافى جميل وعلم غزير لا ينفذ ابدا ودمعة فى الداخل لمرض ابنتها وقلق وسهر فى امتحانها

- الليل: القعده على الكورنيش وانا بسمع ام كلثوم

- الحب: فى ذاته شئ لطيف ولكن يجب ان يذهب لمن يقدرة ويحترمه

- أمريكا: مبتكلمش عن حد وهو مش موجود

- المرأة: كائن جميل لم يستطع الرجل فك طلاسمه بعد

- الرجل: هو ابى واخى وفى المستقبل _ حبيبى وزوجى وابنى _ (ان شاء الله)

- الصمت: هو كلام كتير يضيع معناه لو اتقال

- الانترنت: مكان واسع للتعارف _فى حدود المعقول والأدب _

- أختر منصباً واتخذ قرارا؟

منصب:وزيرة النقل

القرار: الغاء الميكروباصات والتاكسيات القديمه واستبدالها بعربات اخرى صديقه للبيئه

-قيس، عنترة، جميل…. الذين يقولون شعرا….. وليلى وعبلة وعزة ”صموت”لماذا هذا التغييب للمرأة؟

أعتقد ان الرجل يمتلك اكثر الجرأة للتعبير عن مشاعره و احساسه ولكن المراه فهى خجلا واستحياءا وادبا تحبس احساسها بداخلها

- إلى أين تمضي كلمات الحب بعد أن نقولها؟

أكيد بتفضل موجودة داخل القلوب وبتترك كل أثر جميل وبتسيب ذكرى حلوة

- هل تجد علاقة بشكل أو بآخر بين المرأة وقطاع الطرق؟

لا والله معرفش

-هذا فراق بيني وبينك .. متى ولمن تقولها ؟

اقولها لكل من دبحنى بخيانته وهجره وظلمه

-كيف هو غداً ؟

والله معرفش دى حاجه فى علم الغيب .. بس أكيد احلى

- تمرر التاج لمين؟

للأسف خلاص مفيش حد امرره له لإن زهرة قامت بالواجب ومررته لكل من أعرفهم

أنا

أنا مو ولهان أنا دنيا من الوله ...احتاجك ..أبيك

أنا مو تعبان أنا دنيا من التعب راحتها بيديك و أنا ناقص حب تانى أنجرح منه وأعانى الله يرضى عليك كنت قد اقتبست قبل ذلك العديد من الخواطر و "بحسن نيه والله" نسيت اقول إنها منقولة وحتى لا يتهمنى أحد بالسرقة الأدبية وقد سبق وتم إتهامى من قبل :) كل من الخواطر القادمة بإذن الله خواطر مقتبسة إلا إذا قمت أنا بذكر تأليفى لها :)

حبيبى

حبيبى يا أجمل حلما لنفسى

دعنى ارتاح على صدرك

دعنى اسمع دقات قلبك

خدنى لكوكب احلامك

و انسانى عنده

احبك

يا خاين!!

مهما تندمت والله عمر الندم ما يفيدك

ضيعت من كان حبك وبعت من هو يريدك

يا ويل من كان مثلك باع ألوفا والأمانه

إن كان غرك زمانك لكل منا زمانه

On Yahoo&Hotmail

لما ايقنت انه لابد من مواكبة التطور

ولما ايقنت أن أنا مش هعرف اسلك من الموضوع إلا لما أوكب التطور

لقيت أن معظم من اعرفهم عندهم إيميل على yahoo

ايه ده؟؟

انتى ازاى لسه بتعملى ايميل على hotmail ده yahoo احسن منه بكتير!

يا خبر ابيض!

وانا معنديش!

بقى ده كلام !!

قمت انا كمان عملت ايميل على yahoo

pepe.1991@yahoo.com

وعلشان المناصرين hotmail مش يزعلوا

pepe-1991@live.com

وعلى فكرة الliveهو هو الhotmail

وكل سنة وانتوا طيبين

رخصة القيادة وحكايتى مع السواقة

فى البداية طبعا انا عايزة اعتذر _وبشدة_ عن انقطاعى عن التدوين لهذه الفترة الطويلة من الوقت وذلك لظروف خارجه عن ارادتى فمنها ظروف كانت بسبب الدراسة فى الكليه وظروف تانيه بسبب توضيب الشقه وظروف تانيه علشان كنت بصراحة بفكر فى حاجه اكتبها:) ندخل بقى فى الموضوع من زماااااااااااااااااااااااااااااااان وانا صغنونة كنت بحلم انى اسوق عربيه وكنت بشوف بابا وهو بيسوق واتخيل نفسى مكانه اول عربيه انا وعيت عليها كانت عربيه ميتسوبيشى لانسر _وصورتها موجودة فوق_ بعد كده بصراحة مش فاكرة بس اللى فاكراه كمان ان كان فى عربيه نيسان والعربيه دى بجد انا كنت بعشقها بعد كده بقى كان فى العربيه اللى بجد بجد كان هيجيلى انهيار عصبى لما كانت هتتباع وهى الكيا كانرفال وبرضه هتلاقوا صورة ليها فوق جت بعد كده عربيه البهدله والمشاوير والمدارس ..الخ الخ حماله الآسيه 128 دى تعبت معانا تعب واحنا تعبنا معاها تعب برضه _لاحظوا معايا انا انا فى كل الحلات اللى فاتت كنت مجرد راكبه_ انما بقى لما جت ال128 انتقل دورى الى ان اكون سائقه اول عربيه تعلمت عليها السواقه وركبت فيها فى مكان كرسى السائق كان معايا عمى _الله يمسيه بالخير_هو اللى اسس فيا مبادئ السواقة اول مره تعلمت فيها كانت بجانب دار الشهيد الرئيس الراحل (انور السادات) ده انا عملت يومها عمايل بهدلت الدنيا كنت_ولازلت_ بحب السواقه جدا جدا الى ان جاء اليوم المشئوم عملت حادثة بس الحمد لله مكانش فى اى خسائر للأرواح كان فى تحدى بينى وبين عمى انى هدخل المنشيه بالعربيه _ولاحظوا معايا انى انا كنت لسه فى بدايه تعليمى _ وكنت ماشيه فى امان الله الى ان فاجأنى سائق تاكسى كسر عليا فجأه وكلمه كسر عليا _لمن لا يعرفون _هى كلمة مشهورة جدا جدا فى عالم القيادة واسال عليها اى حد بيسوق المهم لقيته فجأة بيكسر عليا وسمعت عمى بيقوللى:فرملى فرملى حاسبى التاكسى ده طااااااااااااااااااااااااااااااااااااخ ده صوت الخبطة الافندى مجرد ما لقى حد بيشاور له يقف له على طول من غير ما ياخد باله بس احسن كان جزاءه انه انا خبطت له الفانوس اللى ورا كسرته وهو نتيجه الوقوف فجاة الفانوس اللى ادام عنده ادشدش نتيجه ارتطامه بميكروباص طبعا سائق الميروباص لما لقى ان الفانوس بتاعه سليم كبر دماغه ومشى وفضلت انا وعمى مع سائق التاكسى عمى قاللى لو كان مشافكيش وانتى بتسوقى انا كنت بهدلته لانه هو اللى غلطان بس انتى مش معاكى رخصه وحصل اللى حصل يومها وزعلت جدا وانقطعت لفتره طويله عن القيادة وتوالت على الاحداث الى ان وجد لى ابى مكتبا لتعليم قيادة السيارات قرب منزلنا وقاللى:روحى كملى سواقه لحد ما ترجعى تانى زى الاول علشان تطلعى الرخصة وبالفعل ذهبت انا واخى واكملت تعليمى والمدرس مواجهش اى صعوبه معايا لانه كان واخد فكرة انى مبعرفش اسوق وكان لسه بيقوللى الاساسيات لقانى فجاءه قمت مدورة العربيه وبحرق فى البنزين وقمت طالعه بيها زى الصاروخ قاللى :اومال انتى جايه هنا ليه ده انا هاخدك على صلاح سالم على طول _وانا كده اخدت شهادة خبرة_ لان هو قاللى انتى اول واحده تيجى هنا واطلعها صلاح سالم من اول مرة وكان تعليمى هنا كان على عربيه اسمها هيونداى اكسيل _وبرضه هتلاقوا لها صورة فوق_ وجه بقى اليوم الموعود اللى انا كاتبه التدوينه دى علشانه يوم ما طلعت رخصه العربيه بعد ما تعبنا طبعا فى اننا نلاقى واسطة روحنا وقدمت للوسيط الاوراق اللازمه قاللى :استنى هنا شويه واستنيت واستنيت واستنيت ....ويلا قلت:نعم!!! قاللى يلا هتمتحنى قلت له:ازاى انا معايا عربيه اوتوماتيك قاللى مش مشكله وهنا احلفلكم يا جماعه والله والله انا معملتش حاجه غلط انا كان معايا ساعتها العربيه التى اعشقها واللى كنت حاطاها فى قائمه العربيات التى احلم بشرائها هيونداى ماتريكس جه واحد قام حاطط الاقماع_وهى حاجات كده لونها برتقالى _ومعرفش لزمتها ايه كنت متوترة جدا جدا والراجل قال لى:متخافيش هتطلعى قدام وتحودى وترجعى تانى عند العميد وانا داخله اساسا المسافه من بين عرض الاقماع اقل من عرض العربيه طبعا بعد محاولات عديده عرفت ادخل كويس جدا جدا وقاللى يلا ارجعى وانا برجع براحه براحه براحه قلت اقف امام العميد بالظبط فجأه كراااااااش ده صوت القمع اللى انا دهسته كان موجود امام العميد وانا مكنتش شايفاه قاللى :انزلى انزلى روحت للوسيط قلت له :هو ايه اللى حصل هو اللى مش ظابط القمع كويس قاللى معلش ولا يهمك قلت له بس انا معملتش حاجه غلط قاللى انتى رجعتى زياده ليه؟؟؟ قلت: انا سوقت زياده عن الامتحان يعنى المفروض ده يبقى فى صالحى قاللى تعالى بكرة وانتى تتصورى وتطلعيها وروحت تانى يوم واتصورت وطلعت الرخصة اخيرا لاننى طالما معايا الرخصة اقدر ان شاء الله بابا يشترى لى عربيه ولحد ما يشترى العربيه انا اقدر اسوق الماتريكس بس لازم بابا يبقى جانبى لحد ما يتاكد انى انا اهل للعربيه هو واثق فيا بس خايف عليا من الناس اللى فى الشارع وعايزننى فى الاول اتعود عليهم طولت عليكوا بس انا كنت عايزة احكيلكم الحكايه من اولها علشان متجوش من النص وتقولوا :تبتدى منين الحكايه؟؟؟!!

i love you

i love you ....i need you

a beautiful smile

. a loving hand the sweet words you say

the simplest kinds of pleasures

these make a joyful day

and just knowing every day

that you are near

to share life، s simple pleasures

this makes a happy year

i love you

for more than you know,

with a love that grows forever

as days come and go

i need you

to make my life worthwhile,

i need your warm touch

and the joy of your smile

so never forget

that always each day of the year through

i love you and need you... i do

I really really loved these words and would like to share with admiration

My Mood

إنشد يا قلبي غنوتك للجمــــــــــــــــــال و ارقص في صدري من اليمين للشمال ما هوش بعيد تفضل لبكره سعيــــــــــد ده كل يوم فيه الف الف احتمـــــــــــــال عجبي !!

انا النهارده المود بتاعى حلو جدا جدا لاننى حصلت على تشجيع جميل جدا من دكتور ماده التسويق التى اعشقها وعرف اسمى وقال لى :go ahead انا معاكى خطوة بخطوة

لحد ما تجيبى جيد جدا وتتعينى معيدة وهتبقى اول معيدة تتعين فى قسم العربى بعد ما قعدنا 8 سنين مش لاقيين حد

ادعولى يا جماعة وقولوا يا رب

انا من مواليد هذا الشهر :)

تخيلوا ....شوفتوا ......عرفتوا.....

انا من مواليد شهر سبتمبر

اه والله

شوفوا بقى طبعا انا مش مؤمنة بموضوع الابراج والكلام ده خالص

بس هى دى صفات مواليد شهر سبتمبر

اقروا كده معايا وقولولى ايه رايكم ؟؟؟؟؟

September: Suave

and compromising

Careful,

cautious and organized

Likes to point out people's mistakes

Likes to criticize

Quiet but able to talk well

Calm and cool

Kin...d and sympathetic

Concerned and detailed

Trustworthy,

loyal and honest

Does work well

Very confident

Sensitive

Thinking

generous

Good memory

Clever and knowledgeable

Loves to look for information

Must control oneself when criticizing

Able to motivate oneself

Understanding

Fun to be around

Secretive

Loves sports, leisure and traveling

Hardly shows emotions

Tends to bottle up feelings

Choosy especially in relationships

Loves wide things

Systematic

Is fond of literature

؟؟؟؟؟

?Who Do You Know Me Well

?Who Do You Know Heba Emara Well

اختبار عنى على الفيس بوك

واما نشوف بقى نتائجكم هتبقى ايه يا حلوين؟؟؟؟؟؟؟

My Mood

أهوي الهوي و همس الهوي في العيون وبسمة المغرم ودمعه الحنـــــــــــــــون و زلزلات الحب نهد الصبـــــــــــــــــــــا أكون انا المحبوب أو لا أكــــــــــــــــون عجبي !!!

دموع المرأة

هذه طرق الرجل التي يجب ان يعامل بها المرأة كي يبقى الحب موجود لاخر العمر:

عندما تمشى مبتعدة عنك (إلحق بها)

عندما تتجاهلك ( أعطها اهتمامك الكامل )

عندما تريد الابتعاد عنك قليلاً ( لاتوافقها الرأي )

عندما تراها في أسوأ حالاتها ( قل لها أنها جميلة )

عندما تراها في أسوأ حالاتها ( قل لها أنها جميلة )

عندما تراها تبكي ( أحضنها ولا تقل شيئاً )

عندما تكون خائفة ( أحميها )

عندما تأخذ منك شيئاً عزيزا ( دعها تأخذه فلن يكون أعز منها )

عندما تمازحك ( مازحها وأضحكها )

عندما لاتجيب الهاتف لفترات طويلة ( أكد لها أن كل شئ على مايرام )

عندما تشك بك ( انسحب قليلا لتعطيها وقتا للتفكير )

عندما تقول أنك تعجبها ( فهي حقا تكن لك مشاعر اكبر مما قالت )

عندما تمسك يديك ( أمسك يديها)

عندما تقول لك سرا ( أحتفظ به ولا تخبر به أحداً )

عندما تنظر إلى عينيك ( لاتلتفت حتى تلتفت هي )

عندما تفتقدك ( فهي تتألم من الداخل )

عندما تحطم قلبها ( الألم لن يزول بل سيستمر )

عندما تقول أن العلاقة انتهت ( فهي لازالت تريدك )

أبق على خط التليفون معها حتى لو لم تقل شيئا

عندما تغضب احضنها ولا تتركها

عندما تكون صامته ( اسألها ما المشكلة )

عندما تقول أن كل شئ على ما يرام لا تصدقها بل تحدث معها عن المشكلةلأنها بعد عشر سنوات ستظل تتذكرك

أتصل بها في أول ساعة من يوم ميلادها وقل لها أنك تحبها

اتصل بها قبل أن تنام وبعد ماتصحو من النوم

عاملها كأنها كل شئ مهم لك في الحياة

مازحها ودعها تمازحك

ابق معها طوال الليل عندما تكون مريضة

شاهد معها فيلمها المفضل أو برنامجها المفضل حتى لو كنت تعتقد انه غبي

أعطها العالم

عندما تحس بالملل أو متضايقة اخرج معها واجعلها تتسلى

دعها تحس أنها مهمة لديك

عندما تجري لك باكية ، أول سؤال تقوله لها ، مين اللي زعلك حبيبتي

كل هذا لن يكلفكم شيئاً يا شباب

هذا هو الحب الحقيقي ولا تنسون يا شباب ان اغلاط النساء اقل من اغلاطنا فنحن دوما نحتاج السماح منهن والتعقل

واعلم أن حواء خرجت من ضلع ادم وليس من قدمه حتى لا يداس عليها

كما أنها لم تخرج من رأسه حتى يظن بأنه أعلى منها منزلة ولا ليتعالى عليها

وإنما خرجت من جنبه حتى تكون مساوية له

كما أنها خرجت من تحت ذراعه حتى يدافع عنها ويحميها وتكون قريبة من قلبه ليحبها

*أيوة كده...this is love

منقول للأمانة...

تنبيه احببت فقط ان اوضح لكم ان تدوينه مآساه تتكرر كثيرا ليس لها اساس من الواقع ولكنها كليا من وحى خيال المؤلفة وشكرا

الفيس بوك

بما انى قررت انى اواكب العصر الحديث واتاقلم مع العالم الخارجى

وجدت اصدقائى واقاربى يقولون لى :انتى مش عامله بروفيل على الفيس بوك ولا ايه ؟؟؟

ولما قلت لهم لا كانوا يقولولى :يا خبر!!!!!!!!!!!!

ازاى يعنى !!حد مش يعمل بروفيل وعلى الفيس بوك!!!!!

قررت اننى اعمل زى ما قلت فوق

لا ومش عملت بروفيل بس وكمان عملت كويزيس كتيرة اوى

بس الكلام ده كان من حوالى سنة تقريبا

بس انا قلت اقول لكم على عنوانى علشان تدخلوا وتعملولى آد زى ما بيقولوا

اسمى :Heba Emara

وصورتى صورة Hباللون البينك

ونهاركم سعيد ايفرى بودى

هاف أ نايس داى

ودى الدفعه الجديدة

قولولى بقى رأيكم......

أطفال يجننوا العقل

ها ايه رأيكم فى الصور دى

انا عن نفسى هتجنن منها

خصوصا وانى ورثت عن ابى وامى عشقى الخاص جدا جدا للاطفال

ونفسى حد من ولادى يبقى زيهم كده!!!!!!!!

ومفيش حاجه بعيده عن ربنا

يتبع......

الندلة

قال لى جمال عمارة ذات يوم :اننى سوف اكون من الادباء اذا كتبت فعلا عن تجارب حقيقه حدثت لى بالفعل وانا اكتب اليوم وانا تجتاحنى مشاعر غريبة من الفرح والحزن معا فاليوم فقط عرفت ان اقرب صديقاتى ومن احبها فعلا من كل قلبى تزوجت تخيلوا معايا الموقف ان اتصل بها اسألها عن تجهيزات الدراسة افاجا بوالدتها تصفعنى بهذا الخبر بانها تزوجت فى العيد وسافرت مع زوجها الى بلد عربى خارج مصر وفى احتمال انها مترجعش الدراسة تانى يعنى مش هشوفها تانى ولم تحن لى حتى الفرصه لكى اراها وابارك لها و كيف لها فى يوم مثل هذا ان تتخلى عن اقرب صديقاتها فى مثل هذا اليوم كل من سمع الخبر يقولون لى اعذرى الظروف ولكنى لا اعرف ولا استطيع ونحن من كنا نتحدث عن ذلك اليوم وهى من قالت :انتى اول واحده هعزمك لما اتجوز وهى من اتفقت معها على ان ناخد معا دروس الجامعه وهى من قالت لى ابقى اشرب عندك فنجان القهوة واشوفك بتعرفى تعمليها ولا لأ؟:) طبعا انا فى منتهى السعادة لان صديقتى المقربة تزوجت وانتقلت الى بيت الزوجية ولكنى حزينةلانها لم تنفذ ما وعدتنى به جل ما كنت اريده هو ان اقف معها فى مثل هذا اليوم وافرح لها من كل قلبى وهذا ما يطلقون عليه الصداقة وعجبى ،،،

مآساة تتكرر كثيرا

قليلة هى لحظة صفاؤهما.. قد تكون منعدمة . افرح كثيرا عندما يكونا على وفاق .. وتغمرنى سعادة وامل بأن يكونا هكذا طوال العمر..... اعى ان الخلافات الزوجية شئ لا مفر منه.. ولكن ماذا اذا اخفاها عن ابنائهما وتصرفا بشكل طبيعى حتى اذا كان ما بينهما خلاف!! ماذا اذا خافا على مشاعر اولادهن من التعقيد؟؟! ماذا اذا راعا مشاعرهما؟!؟ ماذا اذا تم الاتفاق على الا يكون بينهما خلافات!!! ماذا اذا تجاوزاها اكراما للعشرة الطويلة، اكراما للذرية الصالحة؟؟؟؟ انتى عارفه اننى خايفه اتجوز بسببهم!! خايفه يكون فى بينى وبين زوجى مشاكل زيهم!! خايفه تتكرر مآساتهم معايا!! خايفه يتسلل الملل الى حياتنا!! خايفه ....... وخايفه وخايفه!!!!!! من الان ساضع شرطا لمن يتقدم لطلبى للزواج اهم شرط: الا نختلف نهائيا فقط نحب بعضنا ولا يعكر صفونا شئ من منغصات الحياة والا يفعل ما يغضبنى وانا ايضا وان لم يراه مناسبا _اى هذا الشرط _فهو غير اهل لى. ان يحيطنى بحبه وحنانه الى الابد ان يجعلنى ازهد فيما حولى فقط فى مقابل حبه لى.... تركتها تكمل حديثها الى ان تنتهى حاولت ان اقنعها بان لايوجد ما تتمناه ولكنها اصرت ان تحقق شرطها قائلة :اذا احبنى بصدق فسوف اعطيه عمرى كله ولن ابخل عليه بنور عيونى....